शुक्रबार, कार्तिक ७ २०७७ | Fri, October 23, 2020
नेपालको समय: १६:३९ | UK Time: 11:54

हार्ट अट्याकबाट लण्डनमा एक नेपाली युवकको निधन

वीनेपाली
२०७१ मंसिर १६ गते २१:५५

Anil Jung Thapa

लण्डन । गुल्मीको दरवार देवीस्थान घर भई हाल लण्डनमा बस्दै आएका अनिलजंग थापाको हार्ट अट्याकका कारण आइतबार निधन भएको छ ।

दरवार देवीस्थान वडा नम्बर ७ स्थायी घर भएका ३४ वर्षीय थापालाई आइतबार बिहान २ बजे सामान्य छाती दुखाइ र खोकी लागेपछि साथीहरुले क्वीन एलिजावेथ हस्पिटल पुर्याएका थिए ।

साथीहरु गणेशजंग थापा र नारायण अधिकारीसित सामान्य कुराकानी गर्दै अस्पताल पुगेका थापा इमरजेन्सी कक्षमा समेत होसमै थिए । रगत परीक्षणपछि डाक्टरहरुले उपचार गर्दागर्दै थापा बेहोस भएको बताइएको छ ।

उनलाई चिकित्सकहरुले बिहान ५ बजेतिर सेन्ट थोमस हस्पिटल लैजान रिफर गरेका थिए । उनलाई एम्बुलेन्समा चिकित्सकहरुकै साथमा सेन्ट थोमस लगिएको थियो ।

मुटुको शल्यक्रिया सफल भएको केही समयपछिसम्म पनि मुटुले पुन काम शुरु नगरेपछि उनलाई बिहान ६ बजेतिर चिकित्सकहरुले मृत घोषणा गरेका थिए ।

अहिले उनको शव हस्पिटलमै रहेको छ । पारिवारिक स्रोतका अनुसार उनको दाहसँस्कार युकेमै गरिने भएको छ ।

श्रीमतीसहित लण्डनको प्लमस्टिडमा बसोबासरत थापाको अन्त्येष्ठीका लागि परिवार र आफन्तहरुले प्रक्रिया शुरु गरेका छन् ।

सन् २००९ मा वर्क परमिटमा थापा युके आएका थिए । तेक्वान्दोका खेलाडी समेत रहेका थापा दाजुभाइहरुमा उनी साहिँला छोरा थिए । उनका साथी नारायण अधिकारी थापाका बारेमा स्मरण गर्दै भन्छन् – अनिल स्वस्थ्य र साथीभाइ भनेपछि हुरुक्कै हुन्थे । नेपालका लागि केही गर्नुपर्छ भनेर सधैँ भन्ने गर्थे । उनको सपना हामीलाई छोडेर गए ।

 

 

प्रतिक्रिया

सम्बन्धित सामाग्री

फेसबुक