
अफगानिस्तानसँग नेपाल ५ विकेटले पराजित
काठमाडौं। कुवेतमा जारी एसिसि यु-१९ प्रमियर ट्रफीमा नेपाल अफगानिस्तानसँग ५ विकेटले पराजित भएको छ। कुवेत सिटीमा भएको खेलमा नेपालले प्रस्तुत गरेको १ सय ३५ रनको लक्ष्य अफगानिस्तानले ८४ बल बाँकी हुँदै पुरा गरेको थियो।
अफगानिस्तानका लागि शहिबुल्लाह कमालले ५९ बलमा ५२ रन बनाएका थिए। चौथो विकेटका लागि शकात जमानसँग ५० रनको साझेदारी गर्दै जीतका आधार तयार पारेका थिए। जमानले २८ रन बनाए। नेपालका तर्फबाट प्रेम तामाङले २ विकेट लिए भने सुनील धमला, सौरभ खनाल र सुशील कँडेलले एक एक विकेट लिए।
टस हारेर पहिले ब्याटिङ गरेको नेपालले ४५ ओभरनमा अल आउट हुँदै १ सय ३४ रन बनाएको थियो।
नेपालका लागि योगेन्द्र सिंह कार्कीले सबैभन्दा बढी २३ रन बनाएका छन्। सम्हालिएर ब्याटिङ गरेको नेपालले पहिलो विकेट ३७ रनमा बनाएको थियो। यसैगरी राजु रिजालले २१, सुनिल धमलाले १७, सन्दीप सुनारले १६, सौरव खनालले १३, आरिफ शेखले १० र दीपेन्द्र सिंह ऐरीले नन आउट १३ रन बनाए। अफगानिस्तानले २१ अतिरिक्त रन दिएको थियो।
आफगानिस्तानका लागि रसिद खानले २२ रन खर्चेर ४ विकेट लिए।
प्रतियोगितालाई प्रभावित गर्ने गरी समय उपलब्ध गराएको भन्दै नेपाली टोलीले प्रोटेस्ट गरेको छ। नबाज पढ्न समय चाहिने भन्दै शुरुको एक घण्टा अघि खेल शुरु गरिएको र पारी समाप्त भएपछि बढी समय लिएको थियो। पानीले भिजेको विकेटमा नेपाली बलरहरुलाई फाइदा पुग्ने भन्दै अफगानिस्तानले ढिलो गरेको उल्लेख छ।
प्रतिक्रिया

सम्बन्धित सामाग्री
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई
- बेलायत र युरोपियन युनियनबीच सहमति