साफ महिला च्याम्पियनशीपमा नेपालको पहिलो खेल भुटानसँग

काठमाडौं। नेपालले पाकिस्तानमा हुने तेस्रो महिला साफ च्याम्पियनशीप फुटबलमा पहिलो खेल बुधबार भुटानसँग खेल्ने भएको छ।

पाकिस्तानको राजधानी इस्लामावादमा मंगलबारबाट भएको पहिलो खेलमा आयोजक पाकिस्तान र श्रीलंका भिडेका छन्।

दुई पटकको उप विजेता नेपाल र भुटानसँगै समूह ‘बी’ आयोजक पाकिस्तन र श्रीलंका रहेका छन्। समूह ए मा साबिक विजेता भारत, बंगलादेश, आफगानिस्तान र माल्दिभ्स छन्। भुटानविरुद्ध नेपालले जिन्हा रंगशालामा प्रतिस्पर्धा गर्नेछ । उद्घाटन खेल आयोजनक पाकिस्तान र श्रीलंकाबीच हुनेछ । प्रतियोगिताको ड्र  सोमबार मात्रै खोलिएको थियो। प्रतियोगिताको उपाधि जित्ने अपेक्षासहित नेपाली टोली पाकिस्तान पुगेको हो।