एसिसी यु-१९ प्रिमियर ट्रफी: नेपाल २ सय ६२ रनले विजयी

काठमाडौं। नेपालले आइसिसी यु–१९ प्रिमियर ट्रफीमा आयोजक कुवेतलाई २ सय ६२ रनको फराकिलो अन्तरले पराजित गरेको छ। कुवेत सिटीको दोहा इन्टरटेनमेन्ट ग्राउन्डमा भएको खेलमा ३ सय २६ रनको लक्ष्य पछ्याएको कुवेतले २७ ओभर ४ बलमा अल आउट हुँदै ६३ रनमा समेटिएको छ। कुवेतका तीन ब्याट्स बाहेकका अन्यले दोहोर अंकमा रन बनाउन सकेनन् ।

टस हारेर ब्याटिङ गर्न उत्रिएको नेपालले खराब शुरुवात गरेको थियो।

४ ओभर २ बलमा ३ विकेट गुमाएर संकट परेको नेपाली इनिङका लागि आरिफ शेखले सम्हालेका थिए । इनिङको अन्त्यतिर सौरभ खनाल, दीपेन्द्रसिंह ऐरीले सातौ विकेटका लागि ६ ओभर ५ बलमा ९४ रनको विष्फोट साझेदारी गरेपछि निर्धारित ५० ओभरमा ७ विकेट गुमाउँदै २५ रन बनायो। २० बल खेल्दै ऐरीले ४८ रन जोडे। ४९ ओभर ५ बलमा रन आउट हुनुअघि ऐरीले चार छक्का र २ चौका प्रहार गरे।

 

३५ बल खेलेका खनाल ६४ रनमा नट आउट रहे। नेपालका लागि आरिफ शेखले सम्हालिएको ब्याटिङ गर्दै १ सय ११ बलमा ८७ रनको इनिङ खेले । उनले चौथो विकेटका लागि राजु रिजालसँग ९३, पाँचौ विकेटक लागि सन्दीप सुनारसँग ९३ र छैटौ विकेटका लागि सौरभ खनालसँग २७ रनको साझेदारी गरेका थिए। रिजालले ३, सुनारले ४९ बनाए ।

 

आइतबारको खेलमा नेपालले साउदी अबरविरुद्ध ३ सय २१ रन बनाएको थियो। सो खेलमा साउदी अरब १ सय ९५ रनले पराजित भएको थियो।