लन्डनमा म्हः पूजा गरिंदै

लन्डन । पासा पुच साउथ इष्ट लन्डनले अक्टोबर २४ का दिन म्ह पूजा गर्ने भएको छ । एसियन कम्युनिटी हल, प्लमस्टेडमा कार्यक्रम हुन लागेको हो । आफ्नो शरीरलाई आफैंले पूजा गर्ने प्रथा (म्हः पूजा) नेवारी समुदायमा प्रचलित छ ।

कार्यक्रममा पहिलो पटक उक्त शाखाले नेवारी खाना प्रदर्शन गर्ने पासा पुच साउथ इष्टका संस्थापक कुमार श्रेष्ठले जनाए । कार्यक्रमको संयोजन दिपक श्रेष्ठले गरिरहेका छन् । पूजा कार्यक्रममा ग्रीनवीच बरो र नेपाली संघसंस्थाका प्रतिनिधि सहभागी हुने अपेक्षा छ । १२ देखि ३ बजेसम्म चल्ने पूजामा सहभागी हुन आयोजकले सबैमा आग्रह गरेका छन् ।

म्ह पूजाका दिन नेपाल सम्वत ११३५ को नयां वर्ष पनि शुरु हुनेछ ।