काठमाडौ। पूर्व युवराज पारस शाह लागू औषधसहित थाइल्यान्डमा तेस्रो पटक पक्राउ परेका छन्। स्थानीय सञ्चार माध्यमहरुले गाँजासहित पक्राउ परेका पारसको हत्कडी लगाएको फोटाहरु प्रकाशित गरेका छन्। बैककस्थित नेपाली दूतावासले पनि पारस पक्राउको बारेमा स्थानीय प्रहरीले अवगत गराएको जनाएको छ।
शुक्रबार शाहलाई हत्कडी लगाएको फोटोहरु स्थानीय ब्लगले प्रकाशित गरेको छ। उनको साथबाट ५.८ ग्राम गाँजा पक्राउ परेको बताइएको छ ।
पक्राउ परेको दुई दिन पछि पारसले फेसबुकमा स्टाटस राख्दै थाइ अदातलले आफूलाई सफाइ दिएको बताएका छन्। उनले लेखेका छन्- म यो आरोप अस्विकार गर्दछु। त्यसले पनि थाई प्रहरी मेरो विरुद्ध हुनसक्छ। मेरो जीवनका लागि पछिल्लो पटक जस्तो खतरा हुनसक्छ। म यहाँ बसेको कारण प्रहारी मेरो विरुद्ध नहोस भन्ने चाहन्छु।
उनले आफू विरुद्ध तीन वर्षअघि फुकेटदेखि नै षडयन्त्र भएको प्रमाण भएको दावी गरेका छन्। यसअघि पारस फुकेट र बैककबाट गाँजासहित पक्राउ परेका थिए।
