आइतबार, मंसिर १४ २०७७ | Sun, November 29, 2020
नेपालको समय: ०३:३२ | UK Time: 21:47

क्षेत्री समाज यूके वेम्ली शाखाको दशैं कार्यक्रम

वीनेपाली
२०७१ असोज १६ गते १६:३६

SONY DSC

लन्डन । क्षेत्री समाज यूके वेम्ली शाखाले फूलपातीको सांझ एक दशैं कार्यक्रम गरेको छ ।

वेम्लीस्थित वेम्ली तन्दुरी रेष्टुरेन्टमा भरत रोका क्षेत्रीको संयोजनमा कार्यक्रम भएको हो । उक्त अवसरमा सहभागीले एकापसमा दशैं शुभकामना आदानप्रदान, नाचगान र टिपिकल नेपाली खानाबाट मनोरञ्जन लिए ।

दशैं कार्यक्रममा क्षेत्री समाज यूकेका संरक्षक धु्रव केसी, क्षेत्री समाज यूके अध्यक्ष प्रेम खड्का, क्षेत्री समाज यूके संस्थापक अध्यक्ष एवं सल्लाहकार कृष्ण अधिकारी लगायतले दशैं शुभकामना मन्तव्य दिंदै उल्लासमय वातावरणमा चाड मनाउन अपिल गरेका थिए । प्रवासमा समेत दशैं पर्व हर्षोल्लासका साथ मनाइनुको सांस्कृतिक महत्वबारे पनि उनीहरुले प्रकाश पारे । संक्षिप्त परिचय दिने क्रममा सहभागी सबैले दशैं शुभकामनासहित आ आफ्नो लन्डन बसाइ र समाजमा संस्थाको योगदानबारे चर्चा गरेका थिए ।

उक्त अवसरमा सहभागीले रेष्टुरेन्टमा स्थापित दुर्गा माताको पूजा गरि स्वदेशकै दशैं स्मरण गरे । कार्यक्रममा पत्रकार रन्जित बस्नेतले डिजेको भूमिका निर्वाह गरेका थिए ।

SONY DSC

 

 

 

प्रतिक्रिया

सम्बन्धित सामाग्री

फेसबुक