बिहीबार, असोज १५ २०७७ | Thu, October 01, 2020
नेपालको समय: ०३:२६ | UK Time: 22:41

परिचय लुकाउंदै लन्डनमा घुम्दै खुश्वु

वीनेपाली
२०७१ असोज १४ गते ११:४७

khusbu-oli-1

लन्डन । प्रहरी ‘इन्काउन्टर’ मा मारिएका डन चरीकी सेलिबे्रटी प्रेमिका खुश्वु ओली यतिखेर लन्डनमा छिन् । चरीले नाजायज तरिकाले कमाएको सम्पत्ति खुश्वुसंग हुने आशंकामा नेपाल प्रहरीले उनलाई निगरानी र विदेश जानबाट रोक्न खोजिरहेको भन्ने समाचारबीच खुश्वु सुटुक्क लन्डन आइपुगेकी हुन् ।

उनी साउथ इष्ट लन्डनस्थित ग्रीनवीचमा बसिरहेको श्रोतले उल्लेख गरेको छ । गत आइतबार सांझ ऊलवीचस्थित कैलाश रेष्टुरेन्टमा खाजा खाइरहेका बेला स्थानीय पत्रकारहरुसंग जम्काभेट हुंदा उनी खुलेर बोल्न चाहिनन् । तस्विर खिच्न पनि उनले इन्कार गरिन् । ‘म भोलि फर्कंदैछु, अहिले केही नबोलौं होला’ उनको संक्षिप्त प्रतिक्रिया थियो । तर, उनको लन्डन बसाइ लामै हुने बताइन्छ ।

केही दिनयता नियमित कैलाश रेष्टुरेन्ट आइरहेकी उनी एकजना नयां ‘प्रेमी’ का साथ देखिने गरेकी छिन् । खुश्वुले यहां भेट हुने नेपालीलाई भने आफ्नो सक्कली परिचय दिएकी छैनन् । कैलाशमा कार्यरत एक कामदारले उनलाई सोध्दा ‘म खुश्वु होइन, बहिनी प्रिया हो’ भनेको ति कामदारले बताइन् ।

प्रतिक्रिया

सम्बन्धित सामाग्री

फेसबुक