दूतावासको दशैं शुभकामना आइतबार

लन्डन । लन्डनस्थित नेपाली दूतावासले आफ्नो परम्परा धान्दै यस वर्ष २८ सेप्टेम्बर आइतबार दशैं शुभकामना कार्यक्रम गर्ने भएको छ । दूतावास भवनमा दिउसो एक देखि ५ बजेसम्म हुने उक्त कार्यक्रममा सहभागी हुन दूतावासले यूके, आयरल्याण्ड, माल्टा र आइसल्याण्डमा बसोवास गर्ने सम्पूर्ण नेपालीलाई निमन्त्रणा गरेको छ । 
अनौपचारिक शुभकामना कार्यक्रमसहित हुने दिवाभोजमा सबैलाई खुल्ला निमन्त्रणा र प्रवेश निःशुल्क छ । वर्षको एकदिन दशैंमा सबैलाई निम्त्याउने दूतावास परम्परा छ ।

कार्यवहाक राजदूत तेजबहादुर क्षेत्रीले आपसी भेटघाट र दशैं शुभकामना आदानप्रदानका लागि कार्यक्रम तय गरिएको जनाए । ‘प्रवासी नेपालीहरुलाई दूतावास आफ्नो घर हो भन्ने अनुभूति दिलाउन कार्यक्रम गरिएको हो’, क्षेत्रीले भने ।