अल्डरसटमा इङ्नाम ईवाहाङ भेटघाट

बेलायत । यही १३ सेप्टेम्बर २०१४ का दिन अल्डरसटको तोङ्हाम कम्युनिटी हलमा इङ्नाम ईवाहाङ बन्धु साथै चेलिबेटी वार्षिक भेटघाट कार्यकम सम्पन्न भयो ।

हरेक वर्ष आयोजना गरिने यस भेटघाटमा बन्धुवान्धवहरु, चेलिबेटी साथै भाना–भान्जाहरु भेटघाट भएर चिनजान साथै सदभाव राख्ने गरिन्छ ।

बन्धु समितिका अध्यक्ष महेन्द्र ईवाहाङको सभापतित्व रहेको उक्त कार्यक्रमलाई शेरबहादुर इङ्नामले स्वागत मन्तब्य दिएका थिए ।  कार्यक्रमको सुरुमा वर्षभरीमा दिवङ्गत भएका बन्धु तथा चेलिहरु क्रमशः शन्त बहादुर ईवाहाङ र बिष्णु माया इङ्नाम (आङबुहाङ) को सम्झनामा १ मिनेट मौन धारण गरिएको थियो ।

बन्धु समितिका अध्यक्षले सँस्थाको बारेमा प्रस्ट्याउदै वर्षमा एकपल्ट भेला भएर दुःख सुख साथै एकआपसमा चिनजान गर्नु जरुरी भएको र भवितब्य दुःख परेमा सबै बन्धु तथा चेलीहरु मिलेर सरसहयोग गर्न आग्रह गरे । सोहि क्रममा चेलिबेटी समितिका अध्यक्ष बिना इङ्नामले इङ्नाम ईवाहाङ चेलिबेटी समितिको स्थापना हालै भएको र यस सस्थाको उदेस्य बारे प्रस्ट्याएकी थिइन् । 

कार्यक्रमको दोस्रो चरण सम्मान कार्यक्रम रहेकोले बन्ध्, चेली साथै भाना–भान्जाहरुलाई यस वर्षभरि विभिन्न क्षेत्रमा प्रगति गरेबापत प्रोत्साहनस्वरुप सान्त्वना र सम्मान–पत्र दिइएको थियो ।

उक्त कार्यक्रमको अन्त्यमा अध्यक्षले उपस्थित सबैलाई यसरी छुट्टि मिलाएर यस कार्यकरुममा उपस्थित भएकोमा धन्यवाद ज्ञापन गर्दै कार्यक्रमलाई औपचारिक रुपमा समापन गरे  । कार्यक्रमलाई सस्थाको सचिव प्रेम इङ्नामले सञ्चालन गरेका थिए ।