घिमिरे र उपाध्याय फर्कन अझै समय लाग्ने

लन्डन । आफ्नो देशको कानुन उल्लंघन गरेको आरोपमा कतार सरकारले 
हिरासतमा लिएर मुक्त गरिदिएका मानवअधिकारकर्मी कृष्णप्रसाद उपाध्याय र सञ्चारकर्मी गुणदेव घिमिरे बेलायत फर्कन अरु केही दिन लाग्ने भएको छ । कागजी प्रक्रिया सकिइ नसकेकाले फर्कन केही दिन लम्बिएको हो ।

मानवअधिकारकर्मी उपाध्यायले आफ्नो फेसबुक स्टाटसमा रिहा भएपनि आफूहरु विरुद्द लगाइएका मुद्दा फिर्ता गर्ने सम्वन्धमा कागजी प्रक्रिया सकिन केही दिन अरु लाग्ने सरकारी अधिकारीहरुले जनाएको उल्लेख गरेका छन् ।

आफूहरु विरुद्ध लगाइएका मुद्दा फिर्ता नभएसम्म बेलायत फर्कन नमिल्ने जनाउंदै उपाध्यायले आउंदो साताको शुरुसम्म कुनुपर्ने जनाएका छन् ।

बेलायती राहदानी वाहक यी दुई कतारमा कार्यरत नेपाली श्रमिकहरुबारे अध्ययन तथा वृत्तचित्र निर्माणका सिलसिलामा पक्राउ परेका थिए । पक्राउपछि बेलायत सरकार र मिडियाको तीव्र दवावले उनीहरुलाई ९ दिनपछि रिहा गरिएको थियो ।