एनजे तेक्वान्दो एकेडेमीको सिल्भर जुव्ली तयारी

1534935_695675530515354_4372183301383892324_o

लन्डन । एनजे तेक्वान्दो एकेडेमीले आगामी १३ सेप्टेम्बर शनिवार सिल्भर जुव्ली मनाउने तयारी गरेको छ । सडवरी प्राइमरी स्कुलमा हुने उक्त कार्यक्रममा औपचारिक सत्रबाहेक तेक्वान्दो प्रदर्शनी, नृत्य, पदक वितरण, राफल ड्र आदि गतिविधि हुनेछन् ।

स्मरण रहोस्, एनजे तेक्वान्दो एकेडेमीका हङकङ तथा बेलायतमा कयौं क्लव सञ्चालित छन् भने यसले हजारौं विद्यार्थी जन्माइसकेको छ ।

एकेडेमीका संस्थापक अध्यक्ष एवं सिइओ ग्रयाण्ड मास्टर एन जे गुरुङले त्यसैदिन नोआ आर्क स्पोर्टस् एण्ड सोसियल क्लव स्थापना सहयोगार्थ च्यारिटी लञ्च समेत राखिएको जनाए । करिब दश लाख पाउण्ड बजेट लाग्ने अनुमान गरिएको उक्त क्लव स्थापनापछि तेक्वान्दो खेल विकास र नेपाली खेलाडीलाई थप अवसर एवं प्रोत्साहन हुने अपेक्षा गरिएको छ । ग्रयाण्ड मास्टर एन जे गुरुङले आफ्नो घर खेत बेचेरै भएपनि एक्लैले ५ लाख पाउण्ड लगानी गर्ने र बांकी चन्दादाता एवं शेयरबाट संकलन गर्ने लक्ष्य भएको उल्लेख गरे । गुरुङले क्लवका लागि उपयुक्त लोकेशन र जग्गा खोजी भइरहेको समेत बताए ।

 

प्रतिक्रिया

सम्बन्धित सामाग्री