बुधबार, असोज १४ २०७७ | Wed, September 30, 2020
नेपालको समय: ०९:२४ | UK Time: 04:39

गुल्मेली भेलामा निम्तो भन्दा उल्लेख्य सहभागिता

वीनेपाली
२०७१ साउन १९ गते १३:५४

 

10444774_788382367848785_8828571239589982268_n

लन्डन । गुल्मी जिल्ला समाज यूकेको आठौं वार्षिक भेटघाट गत आइतबार एसियन कम्युनिटी हल, प्लमस्टिडमा सम्पन्न भएको छ । अपेक्षा गरिए भन्दा बढि करिब नौसय उपस्थित भएपछि कार्यक्रम स्थल छिचोलिनसक्नु थियो ।

समाजका सचिव शिव भण्डारीले सञ्चालन गरेको पहिलो चरणको औपचारिक कार्यक्रममा प्रमुख अतिथी कार्यवहाक राजदूत तेजबहादुर क्षेत्रीले गुल्मी समाजले आफ्नो जिल्लामा गरेको सामाजिक काम उदाहरणीय भएको भन्दै प्रशंसा गरे ।

समाजका अध्यक्ष अर्जुन गौतमको सभापतित्वमा भएको कार्यक्रममा स्वागत मन्तव्य 
दिंदै उपाध्यक्ष केशव भण्डारीले समाजले हालसम्म सवा करोड रुपैयां जिल्लामा खर्च गरिसकेको उल्लेख गरे । महासचिव राम गलामीले कार्यक्रमको रुपरेखा प्रस्तुत गर्दै हेल्थ एण्ड सेफ्टीबारे जानकारी दिएका थिए । संस्थापक अध्यक्ष ओमप्रसाद थापाले समाजलाई 
यहां सम्म ल्याउन सहयोग गर्ने सबैप्रति आभार व्यक्त गरे । एनआरएनए यूके अध्यक्ष योगेन क्षेत्रीले गुल्मी जिल्ला समाजले जिल्लामा उदाहरणीय काम गरेकामा प्रशंसा गर्दै अन्य संघसंस्थालाई पनि त्यस्तै प्रभावकारी काम गर्न आग्रह गरे ।

उक्त अवसरमा उपाध्यक्ष विनोद ज्ञवालीले धन्यवाद मन्तव्य दिए भने अर्का उपाध्यक्ष ओम 
गुरुङले राफल चिट्ठा सञ्चालन गरेका थिए ।

समाजका सल्लाहकार बालजंग अर्यालको संयोजकत्वमा भएको कार्यक्रममा नेपालबाट आएका लोकप्रिय लोकगायक पशुपति शर्मा र गायिका जमुना सनम आकर्षणको केन्द्रमा रहे । शर्माले आफ्ना पुराना तथा नयां चर्चित दर्जनौं गीत प्रस्तुत गरेका थिए । कार्यक्रममा समाजका संस्थापक अध्यक्ष ओमप्रसाद थापाको नेतृत्वमा प्रथम नौमति बाजाको धुन पनि सबैको नजरमा पर्यो । आकर्षक नृत्य, कविता वाचन र पञ्चे बाजाको धुनमा भजन टुक्का पनि भएको थियो । सांस्कृतिक कार्यक्रममा विवेक श्रेष्ठ, सुजन पराजुली र दीपक थापाले पनि गाएका थिए । पशुपति शर्मा र गायिका सनमलाई प्रमुख अतिथी क्षेत्रीले समाजका तर्फबाट सम्मान गरे ।

दोश्रो चरणको सांस्कृतिक कार्यक्रम सञ्चालन समाजका मिडिया सेक्रेटरी फणिन्द्र भट्टराई र प्रसुना कंडेलले गरेका थिए ।

सन् २००७ मा स्थापित संस्थाले विशेषगरि स्वास्थ्य, शिक्षा र आपतविपतका बेला निरन्तर सहयोग प्रदान गरिरहेको छ । उसले हालसम्म तीनवटा एम्बुलेन्स् गाउंमा पठाइसकेको 
छ ।

10592758_788380734515615_3941224245472320139_n

 

 

तस्विरः एभरेष्ट गौतम

 

प्रतिक्रिया

सम्बन्धित सामाग्री

फेसबुक