फेरि हारे रविन्द्र मिश्र

काठमाडौँ । वैकल्पिक राजनीतिक शक्तिको नारामा पत्रकारिता छोडेर राजनीतिमा होमिएका रविन्द्र मिश्रको संसद प्रवेशको सपना फेरि चकनाचुर भएको छ ।
मंगलबार बिहान मतगणना सकिएको काठमाडौँ क्षेत्र नम्बर १ मा उनी नेपाली काँग्रेसका प्रकाशमान सिंहसित १२९ मतले पराजित भएका छन् ।
सिंहले ७ हजार १४० मत पाए भने मिश्रले ७ हजार ११ मत पाए ।
यसअघि गत चुनावमा उनी साझा विवेकशील पार्टीबाट उम्मेदवार रहेका थिए र उनै सिंहसित करिब ५०० मतले पराजित भएका थिए । यसपटक भने मिश्र राष्ट्रिय प्रजातन्त्र पार्टीबाट उम्मेदवार बनेका थिए ।