उपकुलपति प्रा डा कोइरालाको क्यानडा भ्रमण स्थगन ‘न्यायपूर्ण’

काठमाडौँ-संस्कृत विश्वविद्यालयका उपकुलपति प्रा डा कुलप्रसाद कोइरालाको क्यानडा भ्रमण स्थगन ‘न्यायपूर्ण’ रहेको प्राध्यापकहरुले बताएका छन् ।

नेपाल प्रगतिशील प्राध्यापक संगठनले बिहीबार जारी गरिएको प्रेस विज्ञप्तिमा विश्वविद्यालयको अभिभावकत्व ग्रहण गरेका व्यक्तिबाट मर्यादाहीन काम भएकाले प्रा डा कोइरालाको क्यानडा भ्रमण स्थगन हुनु ‘न्यायपूर्ण’ रहेको जनाएको छ ।

‘विदेश भ्रमणमा जाँदा अपनाउनुपर्ने सामान्य प्रक्रियालाई समेत बेवास्ता गरी कुलपतिको पूर्वस्वीकृतिबिना नै विदेश भ्रमणका लागि तयार भएको देखिएको छ’- विज्ञप्तिमा भनिएको छ, ‘नियुक्त भएदेखि नै उपकुलपति डा कोइरालाबाट विश्वविद्यालयको ऐन नियम विपरीत काम हुंदै आएको छ ।’