बेलायतका नेपाली बाढी पीडितको सहयोगमा

लन्डन । महाभूकम्पमा पीडितलाई उल्लेख्य सहयोग गरेका बेलायतवासी नेपाली यतिखेर बाढी पीडितको सहयोगार्थ जुटेका छन् । बेलायतका प्रमुख संघसंस्थाले पीडितका लागि चन्दा संकलन तीव्र पारेका छन् ।

नेपालमा गत साता अविरल वर्षापछि आएको बाढी र पहिरोका कारण भएको जनधनको क्षतिले विक्षिप्त बेलायतका नेपालीले भाइबर ग्रुप र सामाजिक सञ्जाललाई चन्दा संकलनको आधार बनाएका हुन् ।

बाढी पहिरोले खासगरि झापा, मोरङ, सुनसरी, सिरहा, सर्लाही, सप्तरी, रौतहट, कैलाली, पर्सा, बांके, दाङलगायत तराई– मधेशका जिल्लामा सयौंको ज्यान लिएको छ । हजारौं विस्थापित छन् । पीडितहरुलाई अझै बस्न, खान व्यवस्था र सरसफाइ सामाग्री अभाव भएको खबर आइरहेका छन् ।

नेप्लिज डक्टर्स एसोसिएसन यूकेले चन्दा संकलन अभियान शुरु गरि बाढी तथा पहिरोबाट पीडित जनताहरुसम्म राहत पुराउन सहयोगका लागि अपिल गरेको छ ।

हेल्प नेपाल नेटवर्क यूके, एनआरएनए यूके, नेपाली जनसम्पर्क समिति बेलायत, प्रवासी नेपाली मञ्च यूके, चितवन एड ट्रष्ट, तमुधिं यूके लगायत संघसंस्थाले पनि चन्दा संकलन अभियान थालेका छन् । तमुधिं यूकेले अध्यक्ष ज्ञाम गुरुङको संयोजकत्वमा सहयोग समिति गठन गरि चन्दा संकलन अभियान शुरु गरेको हो । प्रवासी नेपाली मञ्च यूकेका अध्यक्ष राजेन्द्र पुडासैनीले सयजनाबाट चन्दा संकलन गर्ने लक्ष्य रहेकोमा त्यो पुगिसकेको जनाउंदै संकलित रकम छिट्टै सम्वन्धित ठाउंमा पठाइने जानकारी दिए ।

माओवादी निकट नेपाली जनप्रगतिशिल मञ्च, बेलायतले पनि चन्दा अभियान थालेको छ । मञ्चको नेतृत्व सुरेश गौतमले गरेका छन् ।

पीडितको सहयोगार्थ समुदायको उत्साहजनक सहभागिता पाइएको छ ।

तर, बाढी पीडितका नाममा कतिपय व्यक्तिले आफ्नै खातामा रकम हाल्न आग्रह गरेको समेत पाइएकाले संकलित रकम सदुपयोग नहुने हो कि भन्ने खतरा समेत बढेको छ ।

पीडितसम्म सहयोग पुरयाउन आधिकारिक र विश्वसनीय संघसंस्था एवं व्यक्तिलाई मात्र रकम दिन अगुवाहरुले आग्रह गरेका छन् ।

सहयोग गर्न इच्छुकका लागिः

Chitwan Aid Trust UK (CAT-UK) Ltd