सप्तरीका बाढी पीडितको सहयोगार्थ जुट्यो एनबीसी यूके

 

लन्डन । बेलायतस्थित नेपालीको च्यारिटेबल संस्था नेपलिज 
ब्रिटिश कम्युनिटी (एनबीसी यूके) ले हालै नेपालको सप्तरी जिल्लामा आएको बाढीबाट पीडितहरुका लागि राहत सहयोग 
संकलन शुरु गरेको छ । केही दिन देखि लगातार भारी वर्षाका कारण आएको बाढीले सप्तरीका केही गाउं डुवानमा परि त्यहांको जन जीवन प्रभावित भएको छ । जनधनको क्षति, अत्यन्त कष्टकर जीवन, खाना, लत्ताकपडा देखि बस्ने घरसम्म बाढीले बगाएपछि स्थानीय वासिन्दा विपतमा परेको खबर आएसंगै एनबीसीले उक्त अभियान थालेको हो ।

एनबीसी यूके अध्यक्ष मिलन घिमिरेका अनुसार हालसम्म यस अभियानबाट करिब २ लाख रुपैयां संकलन भएको छ र यसलाई १५ जुलाईसम्म मात्र सञ्चालन गरिनेछ । संस्थाले भाइबर ग्रुपमार्फत सहयोग संकलन गरिरहेको छ । प्राकृतिक विपत्तिमा सघाउन संस्थाले बेलायतवासी समस्त नेपालीमा अपिल समेत गरेको छ ।

सहयोग गर्न चाहनेका लागि संस्थाको बैंक विवरण निम्न छः

बेलायतमा क्रियाशील यस संस्थाले विगतमा पनि भूकम्प र अग्नी पीडितलाई सहयोग प्रदान गर्नुका साथै विभिन्न सामाजिक, सांस्कृतिक, मनोरन्जनात्मक, खेलकुद लगायत क्षेत्रमा रचनात्मक काम गर्दै आएको छ ।

यसैबीच, संस्थाले आगामी २२ जुलाई शनिबार मनोरन्जनात्मक कार्यक्रम अन्तर्गत ‘सि-साइड ट्रिप’ र जुलाई २३ आइतबार ‘गेट फिट, हयाभ फन, सेभ लाइभ्स’ भन्ने नाराका साथ ग्रीनफोर्डको पेरिभेल एथलेटिक ट्रयाकमा हेल्पिंग यू संस्थाको सहकार्यमा नेपलिज एथलेटिक्स कार्यक्रम गर्ने तयारी गरेको छ । ति दुबै कार्यक्रममा सहभागिताका लागि संस्थाको निम्तो छ ।