‘जलवायु सम्झौताबारे अमेरिकी निर्णयप्रति बेलायतको अडान कमजोर’

लण्डन, १९ जेठ । बेलायतको प्रतिपक्षले प्रधानमन्त्ती थेरेसा मेले अमेरिकीकाले जलवायु परिर्वतनको मुद्दामा लिएको निर्णयप्रति कमजोर प्रतिक्रिया दिएका भनी कडा आलोचना भएको छ ।

अमेरिकाले हालैमात्र जलवायु सम्वन्धमा भएको पेरिस सम्झौताबाट बाहिरिने निर्णय दिएपछि विश्वनेता खास गरी यूरोपेली नेताहरुले ट्रम्प प्रशासनको कडा आलोचना गरेका छन् ।

बेलायतको प्रमुख प्रतिपक्षी लेवर पार्टी जेरमी कर्विनले प्रधानमन्त्री मे अमेरिकी राष्ट्रपतिको निर्णयलाई कडा आलोचना गर्न नसकेको भनी आरोप लगाउनुभएको छ ।

“बेलायती प्रधानमन्त्री मेलाई हाम्रा अन्तरराष्ट्रिय साझेदार राष्ट्रसँग एक भएर आलोचना गर्ने मौका दिइएको थियो तर उहाँ डोनाल्ड ट्रम्पबाट उपयोग हुनुभयो, प्रतिपक्ष दलका नेता कर्विनले भन्नुभयो । ”

यो उहाँको राज्यप्रतिको र हाम्रो (बेलायत) पृथ्वीप्रतिको जिम्मेवारीबाट कर्तव्यबाट विमुख भएको अवस्था हो, कर्विनले थप्नुभयो ।

बेलायतकी प्रधानमन्त्री मेले अमेरिकी राष्ट्रपतिको निर्णयप्रति निराशा व्यक्त गर्दै बेलायत पेरिस सम्झौताप्रति प्रतिवद्ध रहेको, डाइनिङ् स्टीटद्वारा जारी विज्ञप्तिमा जनाइएको छ ।