अल्डरसटमा नेपाली युवकको छुरा हानी हत्या

लन्डन । अल्डरसटमा शुक्रबार सांझ एक दुःखद घट्ना भएको छ । अल्डरसट भिक्टोरिया रोडमा अवस्थित एक घरमा अन्दाजी ४० वर्षीया विधवा सुकमाया तामाङ्ले २५ वर्षीय एक युवकलाई छुरा हानी हत्या गरेको श्रोतले उल्लेख गरेका छन् । चितवन नारायणगढ घर भएकी ति महिला हत्या गरि फरार रहेको स्थानीय नेपालीले बताएका छन् ।

स्थानीय एनआरएन आइसीसी सदस्य सुष्मा राईका अनुसार,  दुई छोरा र दुई छोरीकी आमा ति महिलाले हत्यापछि एउटा नोटमा आफूलाई बलात्कार गर्न खोजेपछि छुरा हानेर मारेको लेखेकी थिइन् । अहिले घटनास्थललाई प्रहरीले घेरा हालेकाले विस्तृत विवरण आउन बांकी छ ।

अल्डरसट क्षेत्रमा नेपालीको जनसंख्या बढेसंगै विकृतिका घटनामा वृद्धि भइरहेको जनाउंदै एक सामाजिक अगुवाले नेपाली समाज बेलायतको व्यस्तता, तनाव र चिन्ताले विस्तारै ग्रसित भएको बताए । उनले समायोजनको आवश्यकता समेत औंल्याए ।