कोशेलीको देउसी भैलो

लन्डन । कोशेली नेपाली सांस्कृतिक परिवार यूकेले बिहीवार र शुक्रवार लन्डनमा देउसी भैलो कार्यक्रम गरेको छ । कोशेलीले वर्षेनी देउसी भैलो खेल्दै आएको छ ।
नेपाली कला संस्कृति एवं परम्परा संरक्षणमा झण्डै तीन दशकदेखि समर्पित उक्त संस्थाले बिहीवार घर घर गएर देउसी भैलो खेल्यो भने शुक्रवार सांझ दार्जिलिंग इन रेष्टुरेन्टमा सामूहिक कार्यक्रम गरियो । कोशेली अध्यक्ष अमृत गुरुङले समय र लोकेशनलाई मध्यनजर गर्दै दोश्रो दिन सामूहिक भैलो राखिएको प्रष्ट्याए । भैलो कार्यक्रममा कोशेली सदस्यहरुले परम्परागत नेपाली पारामा भट्याउने, गाउने नाच्ने गरेर मनोरञ्जन दिए ।