बेलायतमा जन्मियो इ मेडिया हव

लन्डन । विगत लामो समय देखि आ–आफ्नै ढंगले विभिन्न मनोरञ्जनात्मक कार्यक्रमहरु आयोजना गर्दै आएका एक दर्जन भन्दा बढि सर्जक एभरेस्ट इन्टरटेन्मेन्ट एण्ड मेडिया हव अर्थात इ मेडिया हवमा आवद्ध भएका छन् ।

मनोरन्जन र मेडिया दुई मुलधारलाई आधार बनाएर समाजसेवा गर्ने इमेडिया हबको उद्देश्य छ । बेलायती नेपाली समाजमा सबै जातजातीलाई समेट्दै नेपाली मनोरञ्जनात्मक वातावरणको आवश्यकता महशुस गरि इमेडिया हबको जन्म भएको सिइओ इश्वर चाम्लिङले प्रेस मिटमा बताए ।

बेलायतको अल्डरसटस्थित भेटघाट रेस्टुरेन्टमा गत २० नोभेम्बर आइतबार आयोजित शेयर होल्डर मिटिङ तथा प्रेस मिट कार्यक्रममा इ मेडिया हब लिमिटेडको बोर्ड अफ डाइरेक्टरहरुको चयन सहित वर्ष २०१६, १७ का लागि सिजन १ र सिजन २ का कार्यक्रमहरु सार्वजनिक गरिएको छ ।

बोर्ड अफ डाइरेक्टर्सको नेतृत्व चिफ एक्जुकेटिभ अफिसरमा ईश्वर चाम्लिङ चुनिएका छन् भने चिफ फाइनान्सियल अफिसरमा कृष्ण मेन्याङ्बो र मुकेश राई, चिफ अपरेटिङ अफिसरमा नवराज राई तथा किसन राई, चिफ एडमिनिस्ट्रेसन अफिसरमा किशोर पुन, चिफ मार्केटिङ अफिसरमा किरण चाम्लिङ र दिपक राई, चिफ मेडिया अफिसरमा जानुका राई र भूमिराज राई चुनिए ।

सिजन १ मा न्यू इयर इभ डान्स पार्टी सँगै इ मेडिया हव जन्मोत्सव गरिने जानकारी गराइएको छ । आगामी शनिबार ३१ डिसेम्बर २०१६ मा आयोजना गरिने उक्त कार्यक्रमको प्रवेश निशुल्क हुनेछ साथै कम्पनीले एक तोलाको सुनको लकेट सहितको इमेडिया हब राफल ड्र पनि गर्ने भएको छ ।

इमेडिया हव सिजन २ मा नेपालबाट चर्चित कलाकारहरु मनोज गजुरेल, रेवत राई, मेलिना राई र माला लिम्बु सहितको सांगीतिक कार्यक्रम बेलायतका बिभिन्न शहरमा गरिने जनाइएको छ ।