काठमाडौं। संसदको सार्वजनिक लेखा समितिले अखिल नेपाल फुटबल संघका अध्यक्षसहित चार पदाधिकारीलाई तत्काल निलम्बन गर्ने खेलकुद मन्त्रालयलाई निर्देशन दिएको छ। यसअघि असोज १२ गते भ्रष्टाचार गरेको देखिएको भन्दै छानविन अवधिभर पद स्थगन गर्न निर्देशन दिएको थियो। निर्देशन कार्यान्वयन नभएपछि सोमबार बसेको लेखा समितिले पुन: निर्देशन दिएको हो। समितिले अहिलेकै पदाधिकारीबाट कार्यबहाक अध्यक्ष बनाउन भनेको छ।
समितिले अध्यक्ष थापा, महासचिव धिरेन्द्र प्रधान, कोषाध्यक्ष विराटजंग शाही र निर्माण कार्यको जिम्मेवारी लिने अधिकारीलाई निलम्बन गर्न निर्देशन दिएको हो।
करोडौँ भ्रष्टाचार भएको उजुरीका आधारमा छलफल तथा अनुसन्धान गरेको लेखा समितिले एन्फामा गम्भीर समस्या देखिएको ठहर गर्दै अनियमितताबारे थप अनुसन्धान गरी दुई महिनाभित्र कारबाही अगाडि बढाउन असोज १२ गते निर्देशन दिएको थियो।
समितिले १६ वटा विभिन्न विषयमा थप अनुसन्धान गर्न खेलकुद मन्त्रालय, अख्तियार दुरुपयोग अनुसन्धान आयोग, सम्पत्ति शुद्धिकरण अनुसन्धान विभागलाई निर्देशन समेत दिएको थियो। राप्रपा नेपालका अध्यक्ष कमल थापाका भाइ गणेश सो पार्टीको संविधानसभाका मनोनित सभाषद हुन्। लेखा समितिको निर्देशनपछि पत्रकार सम्मेलन गरेर थापाले लेखा समितिको निर्देशनलाई फिफा र एएफसीले तेस्रो पक्षको हस्तक्षेप लिएर नेपाललाई प्रतिबन्ध लगाउन सक्ने चेतावनी दिएका थिए।
समितिले थापामाथि अनुसन्धान गर्न तयार पारेको सूची
बेलायती र क्यानडाका नागरिकका लागि चीनले निःशुल्क भिसा नीति लागू गर्ने
सम्झनयोग्य कृति : सम्झनाको चोमोलुङ्मा
यस्तो छ मार्चमा हुने एनआरएनएको विश्व सम्मेलन र महाधिवेशन तालिका
‘द भ्वाइस अफ नेपाल’ सिजन ७ को उपाधि नीताकुमारी थापा मगरलाई
पोखरा अन्तरराष्ट्रिय म्याराथनको उपाधि केन्याका जुलियसलाई
नेपाली विद्यार्थीको शव स्वदेश पठाउन बेलायतमा उठ्यो साढे १० हजार पाउन्ड
नेपालका राष्ट्रपति पौडेलसमक्ष गोर्खा विग्रेडको वार्षिक प्रतिवेदन प्रस्तुत
रामेछाप बस दुर्घटना : मृतकको संख्या १२ पुग्यो [अपडेट]
अमेरिकामा नेपालीसहित तीन मुलुकका आप्रवासीको टिपिएस अन्त्यको बाटो खुल्यो
नेपालको राजधानी काठमाडौँको वायु प्रदूषण अझै अस्वस्थ
