अमेरिकी रक्षा प्रमुख अचानक इराक भ्रमणमा

बग्दाद (इराक), ६ कात्तिक । अमेरिकी रक्षामन्त्री एस्टन कार्टर अघोषित रुपमा इराकमा आइपुग्नुभएको यहाँको अल अरेविहा टेलिभिजनले शनिबार बताएको छ ।

इराकको मोसुल सहरमा इस्लामिक स्टेट जिहादी विद्रोहीलाई लक्षित गरी इराकले चलाएको कारबाहीबारे इराकी उच्च नेता तथा सैनिक अधिकारीसँग छलफल गर्न यहाँ आइपुग्नुभएको उक्त टेलिभिजनले बताएको छ ।

इराकको मोसुल सहर इस्लामिक स्टेट (आइएस) विद्रोहीको कडा नियत्रणमा रहेको अन्तिम सहर हो । आइएसले उक्त सहर र वरपरका क्षेत्रमा रहेर इराक तथा विश्वभर आफ्नो सङ्गठन विस्तारसम्बन्धी गतिविधि बढाइरहेको इराकको दाबी छ ।