काठमाडौँ, २२ माघ । प्रधानमन्त्री केपी शर्मा ओलीले राष्ट्रिय समस्याको समाधान गर्न सबै राजनीतिक दल मिलेर जानुपर्ने भएकाले वार्तामा आउन सद्भावना पार्टीका अध्यक्ष राजेन्द्र महतोलाई आग्रह गर्नुभएको छ ।
प्रधानमन्त्री ओलीले आज सद्भावनाका अध्यक्ष महतोलाई टेलिफोन गरेर आन्तरिक समस्या आन्तरिक रुपमा नै समाधान गर्न आग्रह गर्नुभएको हो ।
प्रधानमन्त्री ओलीसँग टेलिफोन संवाद भएको जानकारी दिँदै अध्यक्ष महतोले सीमाङ्कनलगायतका विषयमा रहेको विवाद र असहमति समाधान गर्न अनुरोध गरेको बताए ।
लामो समयदेखि बन्द रहँदै आएको वीरगन्ज नाका आजबाटै खुलेको सन्दर्भमा प्रधानमन्त्री ओलीले अध्यक्ष महतोलाई बधाई दिँदै सबै समस्याको समाधान वार्ता र सम्वादमार्फत नै हुने भएकाले सार्थक वार्तामा बस्न आग्रह गर्नुभएको थियो ।
यस्तै आजै एकीकृत नेकपा(माओवादी)का अध्यक्ष पुष्पकमल दाहालले पनि अध्यक्ष महतोलाई टेलिफोन गरी वार्तामार्फत समस्याको समाधान गर्न आग्रह गर्नुभएको थियो ।
अध्यक्ष दाहालले लामो समयसम्म मुलुकलाई आन्दोलनका नाममा बन्धक बनाउन नहुने भन्दै सार्थक सम्वादका लागि अध्यक्ष महतोसँग अनुरोध गर्नुभएको थियो ।
आफूले प्रधानमन्त्री ओली र अध्यक्ष दाहालसँग तराई मधेसको समस्या समाधानका लागि इमान्दार प्रयास गर्न अनुरोध गरेको अध्यक्ष महतोले बताउनु भयो ।
ग्यास टर्मिनल विस्फोटले कतारमा सङ्कट : कम्तीमा ५४ घाइते, १८ जना अझै बेपत्ता
विश्वकप फुटबलः साउदी अरेबियामाथि स्पेनको जित
नेपाली समाज नटिङ्घम यूकेले आगामी २७ जुलाईमा चौंथो मिडल्याण्ड नेपाली मेला आयोजना गर्ने
बेलायतका प्रधानमन्त्री स्टार्मरमाथि पद छोड्न राजनीतिक दवाव, राजीनामा घोषणाको अपेक्षा
राष्ट्रिय स्वतन्त्र पार्टीको प्रथम महाधिवेशन भरतपुरमा उद्घाटन
