काठमान्डू उड्न लागेका विमानमा बमको हल्लापछि…

नयाँ दिल्ली, १३ माघ । बुधबार यात्रुसहित नेपालका लागि उड्ने तयारीमा रहेको दुई विमान भित्र बम राखिएको हल्लापछि विमानलाई इन्दिरा गान्धी अन्तरराष्ट्रिय विमानस्थल नयाँ दिल्लीमा आकस्मिकरुपमा रोकिएको छ ।

विस्मानस्थल स्रोतका अनुसार हवाई सुरक्षा अधिकारीलाई अज्ञात व्यक्तिले फोन गरी नेपालको राजधानी काठमाडाँैका लागि उड्ने तयारीमा रहेको विमानमा बम राखिएको बताइएको थियो ।

एअर इन्डिया विमान कम्पनीको एआइ–२१५ र अर्को एक नाइन डब्लु–२६० नम्बरको विमान क्रमश दिउसो १ः१५ र १ः३० बजे नेपालका लागि उड्ने तयारीमा थिए ।

विमानलाई धानवमार्गको बम डिस्पोजल टोलीद्वारा एकान्तस्थलमा लगि बम भए नभएको बारे खोजिकार्य सुरु गरिसकेको छ । पहिलो विमानमा १२१ जना र दोस्रो विमानमा १२२ जना उडानका लागि टिकट लिएका थिए ।