‘भोजपुर प्रतिभा सम्मान’ राईलाई र पुरस्कार गन्धर्वलाई प्रदान गर्ने भोजपुर प्रतिभा प्रतिष्ठान बेलायतको निर्णय

लन्डन । भोजपुर प्रतिभा प्रतिष्ठान बेलायतले हरेक दुई–दुई वर्षमा प्रदान गर्दै आइरहेको प्रतिभा सम्मान र प्रतिभा पुरस्कार वि.सं. २०८२ घोषणा गरिएको छ ।

लेखक सरण राईलाई ‘भोजपुर प्रतिभा सम्मान’ र तेजेन्द्र गन्धर्वलाई प्रतिभा पुरस्कार प्रदान गर्ने निर्णय भएको प्रतिष्ठानले जनाएको छ । सम्मान राशि १५,००० रुपैयाँ, ताम्रपत्र रहेको छ भने प्रतिभा पुरस्कार राशि ३५,००० रुपैयाँसहित ताम्रपत्र रहेको छ ।

संस्थाले यसअघि साहित्यकार पूर्ण प्रकाश यात्री, साहित्यकार परशु प्रधान, साहित्यकार कृष्ण जोशी, साहित्यकार जिवि लुगुन, साहित्यकार शैलेन्द्र साकार, साहित्यकार मन्जुल, साहित्यकार, गायक तथा संगीतकार गणेश रसिक, ईतिहासकार ज्ञानमणि नेपाल र श्याम तमोट हिरण्य भोजपुरेलाई उक्त सम्मान र पुरस्कार प्रदान गरिसकेको छ ।

यसैगरी पुरस्कृत हुने स्रष्टाहरुमा कवि श्रवण मुकारुङ, संगीतकार दिनेश बान्तवा, कवि विप्लक ढकाल, कवि विमल गिरी, धाविका मीरा राई, कवि तथा समालोचक पूर्ण ईन्फादा, गायक भिषण मुकारुङ, लेखक कविता राई र करुणालाई भोजपुर प्रतिभा स्मान र पुरस्कार प्रदान गरिसकेको छ ।