एनआरएनए बृहत् एकताको अवधारणा अनुमोदन

१२ औँ महाधिवेशन तथा विश्व सम्मेलन २०२६ जनवरी ३०,३१ र फेब्रुअरी १ तारिखमा

लन्डन । गैरआवासीय नेपाली संघको अन्तर्राष्ट्रिय समन्वय परिषद् (एनआरएनए आईसीसी) को बृहत् एकताको अवधारणा अनुमोदन गरिएको छ ।

एनआरएनएलाई एकताबद्ध बनाउन डा बद्री केसी र महेश श्रेष्ठद्वारा प्रस्तुत ‘बृहत एकताको अवधारणा’ २ नोभेम्बरमा बसेको बैठकले अनुमोदन गरेको हो । अवधारणामा संघ १२ औँ महाधिवेशन तथा विश्व सम्मेलन आगामी सन् २०२६ जनवरी महिनाको ३०,३१ र फेब्रुअरी १ तारिखमा सम्पन्न गर्ने, एनआरएनको वैधानिकता लगायतका विषयमा अदालतमा परेका मुद्दाहरू सबै पक्षले आपसी सहमतिमार्फत समाधान गर्नेलगायत विषय उल्लेख रहेको प्रवक्ता फणिन्द्र पन्तद्वारा जारी विज्ञप्तिमा उल्लेख छ ।