काठमाडौँ । राष्ट्रिय स्वतन्त्र पार्टी (रास्वपा)ले उसपभाति पदमा डा स्वर्णिम वाग्लेलाई चयन गरेको छ । साथै सबै सांसद पार्टीको केन्द्रीय सदस्य भएका छन् ।
महोत्तरीको जलेश्वरमा बसेको रास्वपाको संसदीय दल र केन्द्रीय समितिको संयुक्त बैठकले वाग्लेलाई महत्वपूर्ण जिम्मेवारी दिएको हो । लामो समय काँग्रेसमा रहेर राजनीति गरेका वाग्ले केही महिनाअघि मात्र रास्वपा प्रवेश गरी उपनिर्वाचनबाट सांसदमा निर्वाचित हुनुभएको हो ।
पार्टीमा यसअघि नै डोलप्रसाद अर्याल उपसभापति छन् ।
पार्टीले सहमहामन्त्रीमा कविन्द्र बुर्लाकोटी, सुमना श्रेष्ठ र विपिन आचार्यलाई चयन गरेको छ भने कोषाध्यक्षमा लीमा अधिकारी र सहकोषाध्यक्षहरुमा बसुमाया तामांग र दीपक बोहरालाई जिम्मेवारी दिएको छ ।
सहप्रवक्तामा मनिष झा, प्रतिभा रावल र रमेश प्रसाईँलाई जिम्मा दिएको छ । साथै पार्टीले १४ जना सांसदलाई केन्द्रीय सदस्यमा मनोनित गरेको छ । पार्टीका छ जना सांसद यसअघि नै केन्द्रिय सदस्य हुनुहुन्थ्यो ।
