फोनिज युकेद्वारा समाचार लेखन र सम्पादन तालिम

लण्डन । नेपाल आदिवासी जनजाति पत्रकार महासंघ (फोनिज) युकेले समाचार सम्पादन तथा लेखन तालिम सम्पन्न गरेको छ ।

शनिबार भर्चुअलरूपमा आयोजित सो तालिममा नेपालबाट कान्तिपुर एफएम तथा रे टेलिभिजनमा कार्यरत श्याम रानामगर स्रोत व्यक्तिका रूपमा रहेका थिए ।

फोनिज युकेकी अध्यक्ष गोमा रानामगरको अध्यक्षतामा भएको सो तालिमको सन्चालन सचिव लीला सेलिङले सन्चालन गरेकी थिइन् ।

तालिमका क्रममा स्रोत व्यक्ति रानामगरले समाचार संकलन, लेखन र सम्पादनका विभिन्न पक्षहरूका बारेमा चर्चा गरेका थिए भने सहभागीहरूले राखेका विभिन्न जिज्ञासाहरूको जवाफ दिएका थिए । फोनिज युकेका सल्लाहकारहरू नरेश खपाङ्गीमगर, एकेन्द्र गुरुङ, प्रमिला लाबुङ राई, विश्वासदीप तिगेला, सचिव लीला सेलिङले सो क्रममा जिज्ञासा राखेका थिए ।

तालिममा बेलायतमा कार्यरत आदिवासी जनजाति पत्रकारहरूको उपस्थिति रहेको थियो ।