काठमाडौँ । इजरायलमाथि प्यालेस्टिनी विद्रोही हमासले शनिबार बिहान गरेको आक्रमणमा परेर १० नेपालीको मृत्यु भएको छ ।
आक्रमणमा परी १० नेपालीको मृत्यु भएको इजरायलस्थित नेपाली राजदुताबासले पुष्टि गरेको छ । यद्यपि परराष्ट्र मन्त्रालयले समाचार तयार पारुन्जेलसम्म केही सार्वजनिक गरेको छैन ।
आक्रमणमा ज्यान गुमाउनेहरुमा इजरायलमा अध्ययनका लागि गएका विद्यार्थीहरू आक्रमणमा परेका थिए ।
मृत्यु हुनेमा घोडाघोडी–४ कैलालीका नारायण न्यौपाने, जयपृथ्वी–६ बझाङका गणेशकुमार नेपाली, बाउनिया–३ कैलालीका आशिष चौधरी, लेकाम–५ दार्चुलाका दिपेशराज विष्ट, सपही–६, धनुषाका आनन्द साह र मधुवान–१, सुनसरीका राजेशकुमार स्वर्णकार छन् ।
यस्तै पाँचनली–डोटीका राजन फुलारा, लामिखाल–८ डोटीका पदम थापा, सारदा–३ सल्यानका प्रवेश भण्डारी र मालिकार्जुन–४ दार्चुलाका लोकेन्द्र सिंह धामीको पनि मृत्यु भएको छ ।
मृतक विद्यार्थीहरुको शव नेपाल ल्याउन प्रयास गरिरहेको दुताबासले जनाएको छ ।
