इजरायलमा हमासको आक्रमणमा नौ नेपाली घाइते

काठमाडौँ । इजरायलमा शनिबार हमासले गरेको आक्रमणमा परी नौ जना नेपाली घाइते भएको परराष्ट्र मन्त्रालयले जनाएको छ ।
आक्रमणमा परेका नेपालीमध्ये दुई जनाको अवस्था गम्भीर रहेको बताइएको छ ।
नेपाल सरकारले घाइतेहरूको शीघ्र स्वास्थ्य लाभको कामना पनि गरेको छ ।
उता एनआरएनएले भने तीन जना नेपाली सम्पर्क बाहिर रहेको दाबी गरेको छ ।
यसैबीच, इजरायलस्थित नेपाली दूतावासले आक्रमण प्रभावित क्षेत्रमा बसोबास गरिरहेका नेपालीसँग निकट सम्पर्कमा रहेको जनाउँदै नेपालीको सुरक्षा तथा उद्धारका साथै घाइतेहरूको उपचारका लागि पनि इजरायली अधिकारीहरूसँग सम्पर्क र समन्वय गरिरहेको बताएको छ ।
दुताबासले इजरायलको वर्तमान स्थितिलाई दृष्टिगत त्यहाँ रहेका सबै नेपालीलाई सतर्क रहन तथा सम्वद्ध अधिकारीले दिएका सुरक्षा उपायको अक्षरसः पालन गर्न अनुरोध गरेको छ ।
दुताबासले नेपालीहरुका लागि इजरायलस्थित नेपाली दूतावासको सम्पर्क विवरण पनि सरकारले उपलव्ध गराएको छ ।
टेलिफोनः+९७२(०)३५१६८०८५
राजदूत कान्ता रिजाल ९७२५४५८६४४२३
प्रथम सचिव अर्जुन घिमिरे +९७२५४५८६४४२३
इमेल [email protected]
यसैबीच नेपाल सरकारले इजरायलमा भएको आतङ्कवादी हमलाको निन्दा गर्दै इजरायल सरकारप्रति ऐक्यबद्धता जनाएको छ । साथै सरकारले हमलामा अमूल्य जीवन गुमेकामा तथा धेरै मानिस घाइते दुःख व्यक्त गरेको छ । नेपाल सरकारले इजरायल सरकार तथा त्यहाँका जनताका साथै हमलामा परी जीवन गुमाएकाहरूका परिवारप्रति गहिरो सहानुभूति एवं समवेदना व्यक्त गरेको छ ।
परराष्ट्र मन्त्रालयले आज साँझ जारी गरेको विज्ञप्तिअनुसार आतङ्कवादी आक्रमणमा नेपाली पनि परेका छन् ।