न्युजिल्याण्डका प्रधानमन्त्री आर्डनलाई कोरोना संक्रमण

वेलिङटन । न्युजिल्याण्डका प्रधानमन्त्री जासिन्डा आर्डनलाई कोरोना भाइरस संक्रमण भएको छ ।

प्रधानमन्त्री आर्डनलाई कोरोनाको संक्रमण देखिएको शनिबार जनाइएको छ ।
शनिबार बिहान उहाँले सामाजिक सञ्जालमा पोष्ट गर्दै आफूलाई कोरोना भाइरस भएको बताउनुभएको हो । आफू परिवारका साथ घरमा रहेको र आजदेखि घरमै एकान्तवास बस्ने जानकारी पनि गराउनुभएको थियो । उहाँले सामाजिक सञ्जालमा आफूले कोरोना भाइरसका विरुद्धमा विभिन्न सतर्कता अपनाउँदा पनि भाइरस देखिएको बताउनुभएको हो ।
प्रधानमन्त्री जासिन्डा आर्डर्नका सहयोगी पनि संक्रमित भएकाले आफू र सहयोगीले घरबाटै कार्यालयको काम गर्नेगरी व्यवस्था मिलाएको पनि उहाँले सामाजिक सञ्जालमा लेख्नुभएको छ ।हाल न्युजिल्याण्डमा दैनिक ७ हजारभन्दा बढी नागरिकमा कारोना भाइरसको संक्रमण हुने गरेको बताइएको छ ।