गोरखा समस्याको समाधान नहुन्जेल राजदुत रेग्मीलाई फिर्ता नबोलाउन गेसोको माग

लण्डन । गोरखा भूतपूर्व सैनिक स‌ंघ (गेसो) ले बेलायतका लागि नेपाली राजदुत लोकदर्शन रेग्मीलाई गोरखा समस्याको समाधान नहुन्जेल फिर्ता नगर्न माग गरेको छ ।

गेसोका सभापति कृष्णकुमार राईले आज एक विज्ञप्ति प्रकाशित गर्दै राजदुत रेग्मीको पहलमा गोरखाहरुको समस्याका बारेमा नेपाल तथा बेलायत सरकारबीच यही डिसेम्बर १४ का दिन वार्ता शुरु गर्ने मिति समेत तय भइसकेको अवस्थामा राजदुत रेग्मीलाई फिर्ता बोलाउने नेपाल सरकारको असोज ५ गतेको निर्णयले गोरखाहरुमा चिन्ता र अन्यौल पैदा गरेको बताएका छन् ।

उनले पीडित गोरखाहरुमा राजदुत रेग्मीलाई फिर्ता बोलाउने निर्णयले गोरखाहरुमा कतै वार्ता नै नहुने पो हो कि भन्ने शंका पैदा गराएको उल्लेख गर्दै गोरखाहरुको समस्याबारे वार्ता चलुन्जेल रेग्मीलाई राजदुतमा निरन्तरता दिन माग गरेका छन् ।

 

प्रतिक्रिया

सम्बन्धित सामाग्री