लण्डन । भिक्टोरिया क्रस विजेता प्रथम गोरखा सैनिक कुलवीर थापाको शालिक बेलायतको अल्डरसटमा प्रतिस्थापन गरिएको छ ।
पूर्ण कदको सो शालिक शुक्रबार अल्डरसटको प्रिन्सेस गार्डेनमा प्रतिस्थापन गरिएको हो । शालिक निर्माण समितिका प्रवक्ता ओमप्रसाद थापाले शुक्रबार सफलतापूर्वक शालिक प्रतिस्थापन भएको जानकारी दिए ।
स्थानीय रसमुर काउन्सिल र ग्रेटर रसमुर नेपाली कम्युनिटीको संयुक्त पहलमा राखिएको हो । स्थानिय काउन्सिलले शालिक रहने स्थान र रेखदेखको जिम्मा लिएको छ भने बेलायतस्थित नेपाली समुदायले शालिक निर्माणमा लाग्ने खर्च ब्यहोरेका छन् ।
शालिकको उद्घाटन आउँदो शनिबार हुँदैछ ।
कलाकार एमी गुडम्यानले सो शालिक तयार गरेकी हुन् ।
बेलायतमा गोरखा समुदायको बाक्लो बसोबास रहेको स्थानीय रसमुर काउन्सिलले प्रथम गोरखा भिक्टोरिया क्रस विजेता गोरखा सैनिकको शालिक खडा गर्नका लागि देखाएको अग्रसरताले बेलायतबासी नेपालीहरु प्रफूल्ल बनेका छन् ।
थापाले पहिलो विश्वयुद्धमा भिक्टोरिया क्रस पाएका थिए ।
लडाइँमा घाइते थापाले सहयोद्धा बेलायती सैनिकलाई उद्दार गरिरहेको तस्वीरलाई शालिकमा उतारिएको छ ।
