नरेश काङमाङको ‘साङ्खुबारा’ पुस्तक सार्वजनिक

लण्डन । किरात राई यायोक्खा लण्डन प्रारम्भिक कार्यसमितिको पाचौं अधिवेशनको उद्घाटन सत्रमा लेखक नरेश काङमाङ राईद्वारा सङ्कलन तथा लेखन गरिएको पुस्तक ‘साखुङ्बारा अर्थात रजस्वला’को विमोचन गरिएको छ ।

किरात राई २२ भाषीहरुको जन्मदेखि मृत्‍यु संस्कारको विषयमा लेखिएको पुस्तक किरात राई यायोक्खा प्रारम्भिक कार्यसमिति लण्डनद्वारा प्रकाशन गरिएको हो । कार्यक्रमका प्रमुख अतिथि किरात राई यायोख्या युकेका अध्यक्ष अध्यक्ष कल्पना राई र विशेष अतिथि किरात राई यायोख्या नेपाल केन्द्रीय समितिकी पूर्व अध्यक्ष डा. सुमाया राईले सो पुस्तकको संयुक्त रुपमा विमोचन गर्नुभएको थियो ।

विशेष अतिथि डा राईले साखुङबारा पुस्तकको बारेमा बोल्नु भएको थियो । डा राईले साखुङवाराले किरात राईहरुको संस्कार संस्कृतिको खोज अनुसन्धान र अन्वेषणको ढोका खोलेको बताउनुभयो । साथै अन्य लेखकहरुका लागि राम्रो सन्दर्भ सामग्री भएको समेत बताउनुभयो ।
पुस्तकका लेखक नरेश काङमाङले पुस्तकको बारेमा संक्षिप्त जानकारी गराउनुभएको थियो । उहाँले भन्नुभयो, ‘यो शुरुवात हो, पूर्ण हैन ।’ यो पुस्तकभित्र केही नयाँ कुरा समेटिए पनि धेरै कुरो समेट्न बाँकी रहेको बताउँदै उनले यो एउटा सानो प्रयास मात्र हो र एउटा भाषीले अर्को भाषीको विषयमा खोज अनुसन्धान गर्नु निकै चुनौती पूर्ण रहेछ भन्नुभयो ।

किराया बेलायतका अध्यक्ष प्रमुख अतिथि कल्पना राईले पुस्तक सङ्कलन र लेखन गरेकोमा लेखक नरेश काङमाङ राईलाई र प्रकाशक प्राकास लण्डनलाई हार्द्विक बधाई तथा शुभकामना दिएका थिए ।

अधिवेशनले विमलाकुमारी राईको अध्यक्षतामा २१ सदस्यीय नयाँ कार्यसमिति चयन गरेको छ । जसअनुसार उपाध्यक्षहरुमा नवलक्ष्मी राई र पुरु राई चयन भएका छन् भने सचिवमा किरण राई सहसचिवहरुमा सीमा राई र जोशन राई चयन भएका छन् । सर्वसम्मत रुपमा निर्वाचित भएको समितिको कोषाध्यक्षमा योजन राई र सहकोषाध्यक्षहरुमा अञ्जना राई र सन्दीप राई निर्वाचित भएका छन् । सदस्यहरुमा वेगाहाङ राई, सोनाहाङ राई, सुरेशकुमार राई, कशिस राई, मनिकला राई, मीनु राई, सुकमाया लिम्बु राई, रमना राई, कुमार माङपाहाङ राई, निलम राई र सुनिल राई निर्वाचित भएका छन् ।

प्रतिक्रिया

सम्बन्धित सामाग्री