काठमाडौँ । अमेरिकी सरकारले कोभिड–१९ विरुद्ध १५ लाख मात्रा खोप सहयोगस्वरुप आज नेपाललाई हस्तान्तरण गरेको छ ।
प्रधानमन्त्री निवास बालुवाटारमा आज आयोजित कार्यक्रममा प्रधानमन्त्री केपी शर्मा ओलीलाई नेपालका लागि अमेरिकी राजदूत र्याण्डी बेरीले आजै यहाँ आइपुगेको जोन्सन एण्ड जोन्सन खोप हस्तान्तरण गर्नुभयो ।
जोन्सन एण्ड जोन्सनको खोप एक डोज मात्र लगाए पुग्छ ।
राजदुत बेरीले आज प्रदान गरिएको खोप १५ लाख ३४ हजार ८५० जनालाई लगाउन पुग्ने बताएका छन् ।
ती खोपहरु अमेरिकाले कोभ्याक्स अन्तर्गत प्रदान गरेको हो ।
राजदुत बेरीले ती खोपहरु प्राप्त गरेवापत कुनै खर्च तिर्न नपर्ने प्रष्ट पारेका छन् । उनले सो सहयोगका पछि कुनै सैनिक र राजनीतिक स्वार्थ नरहेको र मानिसको जीवन बचाउनका लागि सहयोग गरिएको प्रष्ट पारेका छन् ।
