पत्रकार महासंघ युकेको अध्यक्ष पदमा चारजनाको उम्मेदवारी

लण्डन । नेपाल पत्रकार महासंघ युके शाखाकाे पाँचौँ अधिवेसनबाट निर्वाचित हुने नयाँ कार्यसमितिका लागि अध्यक्षमा चारजनाको उम्मेदवारी परेको छ ।

निर्वाचन समितिले आइतबार साँझ प्रकाशन गरेको उम्मेदवारको पहिलो नामावलीअनुसार अध्यक्षमा बिमला सेने, ध्रुवराज अर्याल, श्यामकुमार लुइँटेल र विपिन निरौलाको उम्मेदवारी परेको छ ।

यसैगरी वरिष्ठ उपाध्यक्षमा दिनेशकुमार परियार र सन्जयभक्त कँडेलको उम्मेदवारी परेको छ । खुला उपाध्यक्षमा शिव भण्डारी र एभरेष्ट गौतमको उम्मेदवारी परेको छ । महिला उपाध्यक्षमा प्रमिला लाबुङ राईको मात्र उम्मेदवारी परेको छ ।

महासचिव पदमा नरेन्द्रकुमार बस्नेत र जगन्नाथ (जगन) कार्कीको उम्मेदवारी परेको छ ।

दुई जना निर्वाचित हुने सचिव पदमा मन्जु भण्डारी र खेमराज रानाभाटको उम्मेदवारी परेको छ भने काेषाध्यक्षमा सविन्द्रकुमार गुरुङ तथा सहकोषाध्यक्षमा सुरेन्द्र इङनामको उम्मेदवारी परेको छ ।

६ सदस्यका लागि विश्वासदीप तिगेला, गोमा राना, जयराम तामाङ र नगेन्द्रराज नेम्वाङको उम्मेदवारी परेको छ ।

शाखाको अधिवेसन यही जुन १३ मा हुँदैछ ।

नयाँ कार्यसमिति चयनका लागि रमेश सराङकोटीको संयोजकत्वमा नविन पोखरेल, चिरन शर्मा, केशव भण्डारी र स‌ङ्गीता मरहट्ठा रहेको निर्वाचन समिति गठन गरिएको छ । निर्वाचन समितिको कानुनी सल्लाहकारमा सोलिसिटर दीपक भट्टराई रहेका छन् ।

नयाँ कार्यसमिति चयनका लागि पोस्टल र प्रत्यक्ष मतदान गरिने शाखाले जनाएको छ ।