एनआरएनए माल्टाको महाधिवेशन तयारी समिति गठन

लण्डन । गैरआवासीय नेपाली संघ (एनआरएनए) राष्ट्रिय समन्वय परिषद माल्टाका कार्यसमिति पुनगर्ठन गरिएको छ । आर्थिक विवादमा मुछिएका कार्यसमिति सदस्यहरुले आआफ्ना पदबाट राजिनामा दिएको हुनाले हाल नयाँ कार्य समितिमा पदाधिकारी तथा सदस्यहरुको रिक्त पदपुर्तिमा अध्यक्षमा हरी प्रकाश विकेको संयोजकत्वमा ११ सदस्यीय राष्ट्रिय महाधिवेशन तयारी समिति गठन गरिएको छ।

उक्त समितिमा ललित पाण्डे सदस्य सचिव र सदस्यहरुमा द्रोण कुमार घिमिरे, बिसन गुरुङ्, गणेश क्षेत्री, देवेन्द्र खड्का, विक्रम खनाल, अशोक गिरी, डिल्लिराम पाण्डे, चन्द्रा कुमारी शाही र उपेन गिरी रहेका छन ।

समितिलाई सदस्यता वितरण गर्ने र नयाँ कार्य समितिको निर्वाचन तथा महाधिवेशन गर्ने जिम्मेवारी प्रदान गरिएको छ ।निर्वाचनलाई स्वतन्त्र र निष्पपक्ष होस, र स्वार्थ नबाझियोस भनेर यस समितिमा रहेका कुनै पनि सदस्यहरुले आसन्न निर्वाचनमा कुनै पनि पदमा उम्मेदवारी नदिने व्यवस्था गरिएको छ ।
संघ महासचिव डा. हेमराज शर्मा र युरोप संयोजक नारायण आचार्यले संयुक्त विज्ञप्ती जारी गरि जानकारी गराएका हुन ।