सचिव पदका उम्मेदवार ढकाल चर्चाको शिखरमा

लन्डन । झण्डै एक साता बाँकी रहंदा गैरआवासीय नेपाली संघ  (एनआरएनए) यूकेको निर्वाचनमा सचिव पदका उम्मेदवार कोशलेश्वर ढकाल (कृष्ण) चर्चाको शीर्ष स्थानमा छन । एनआरएनए यूके र मिडल्याण्डलाई भित्री रुपमा जोडन भूमिका निर्वाह गरेका कोशलेश्वर (कृष्ण) ढकाल १४ सेम्टेम्बरमा हुने एनआरएनए यूकेको निर्वाचनमा मतदाताबीच चर्चाको शीर्ष स्थानमा पुगेका हुन् ।

केही भागमा सीमित रहेको एनआरएनए यूकेलाई बेलायतभर पुरयाउनु पर्छ भनेर दिनरात नभनि उक्त अभियानमा हिंडेका ढकालको मिजासिलो स्वभावले सबैको मन जित्न सफल भएको छ । कम वोल्ने र बढी काम गर्ने स्वभावका ढकाल यतिबेला निर्वाचन प्रचारमा बेलायतभर मतदाताको घर दैलो अभियानमा छन् । फोन, इमेल, सामाजिक सञ्जाल तथा भौतिक रुपमा भेटेर निर्वाचन अभियानमा लागेका ढकाललाई पारिवारिक सहयोग समेत प्राप्त छ ।

हस्पिटालिटी व्यवसायमा रमाइरहेका ढकाल आफूले मतदाताको भोट पाउनेमा आशावादी छन् । सचिव जस्तो पद ओगटेर बस्ने भन्दा पनि काम गरेर देखाउनका लागि हुनुपर्ने उनको भनाई छ । एनआरएनए परिचय पत्रलाई बृहत डिस्काउन्ट कार्डमा परिवर्तन गर्ने योजना उनको छ । ‘एनआरएनए परिचय पत्रले प्लेनमा टिकट लिंदा, हामीले रेस्टुरेन्टमा खाना खाँदा वा नेपालीले गरेको व्यवसायमा छुटको व्यवस्था गराउने ठोस योजना ल्याएको छु’- उनले वीनेपालीसँग भने ।

एनआरएनए यूके कार्यसमितिमा आउने र आफ्नो स्वार्थपूर्ति भन्दा टाढा रहेका ढकालले सचिव पदमा बिजय भएपछि केही नयाँ योजना पनि बेलायती नेपालीमाझ ल्याउन लागेका छन् । बेलायतस्थित नेपाली समुदायको हितमा केही गर्ने अठोटका साथ सचिव पदमा उम्मेदवार भएका ढकालको चुनावी प्रचार आक्रमक देखिन्छ ।