कथाकार सापकोटाको ‘बाटो’ आउँदै

लन्डन । विगत बाह्र बर्षदेखि बेलायतमा बसोबास गर्दै आएका कथाकार धर्म सापकोटा ‘राजु’ को तेस्रो कृति कथा संग्रह ‘बाटो’ प्रकाशनको अन्तिम तयारीमा छ । युरेका पब्लिकेसन्स काठमाडौंले प्रकाशन गर्दै गरेको पुस्तकमा सापकोटाका १५ वटा कथा समावेश छन् । सापकोटाका धेरैजसो कथा बैदेशिक पृष्ठभूमीमा लेखिएका छन् भने कतिपय कथा बर्तमान नेपाली समाजको प्रतिनिधित्व गर्ने खालका पनि छन् ।

किताब पढेपछि नेपालबाट बिदेश जान्छु भन्नेहरुलाई एकपटक राम्रोसँग सोच्न बाध्य बनाउने सापकोटाको दावी छ ।  यस अघि सापकोटाका एक लघुकथा संग्रह र एक बालकथा संग्रह प्रकाशित छन् ।