बुधबार, माघ ५ २०७८ | Wed, January 19, 2022
नेपालको समय: ०३:४४ | UK Time: 21:59

जोन्सन र हन्टमध्ये एक बेलायतको प्रधानमन्त्री

वीनेपाली
२०७६ असार ६ गते १७:४६


लण्डन । बेलायतको सत्तारुढ कञ्जरभेटिभ पार्टीको नयाँ नेताका लागि पूर्व विदेशमन्त्री बोरिस जोन्सन र वर्तमान विदेशमन्त्री जेरेमी हन्ट अन्तिम चरणमा पुगेका छन् । उनीहरुमध्ये विजेताले बेलायतको नयाँ प्रधानमन्त्री बन्ने सौभाग्य पाउने छन् ।

कञ्जरभेटिभ पार्टीभित्रको नयाँ नेता चयनका लागि बिहीबार भएको पाँचौँ चरणको निर्वाचनमा जोन्सनले सर्वाधिक १६० मत पाए भने हन्टले ७७ मत ल्याए । पाँचौँ चरणसम्म पुगेका वातावरण मन्त्री माइकल गोभ भने ७५ मत प्राप्त गरी अन्तिम चरणबाट बाहिरिए । एक मत भने बदर भएको थियो ।

हालसम्म पार्टीभित्रका सांसदहरुले मतदान गर्ने गरेकोमा अब भने दलका १ लाख ६० हजार सदस्यले नयाँ नेताका लागि मतदान गर्नेछन् । जुलाईमा सो मत परिणाम घोषणा गरिने कार्यक्रम छ ।

यसअघि बिहीबार नै भएको चौथो चरणको मतदानमा गृहमन्त्री साजिद जाविद सबैभन्दा कम मत प्राप्त गरि प्रतिस्पर्धाबाट बाहिरिएका थिए ।

प्रतिक्रिया

सम्बन्धित सामाग्री

फेसबुक