अल्डरसटको काउन्सिलर बने युवा व्यवसायी प्रवेश केसी

लन्डन । नेपालीहरुको उल्लेख्य बसोवास रहेको बेलायतको अल्डरसटमा एकजना नेपालीले काउन्सिलर पदमा चुनाव जितेका छन् । युवा व्यवसायी तथा समाजसेवी प्रवेश केसीले २ मे बिहीबार भएको स्थानीय निर्वाचनमा ३२८ मत ल्याएर काउन्सिलर पद जितेका हुन् ।

केसीले कन्जरभेटिभ पार्टीका तर्फबाट रसमोर बरो अन्तर्गत अल्डरसट टाउन, वेलिङटन वार्डको काउन्सिलर पदमा उम्मेदवारी दिएका थिए । प्राप्त नतिजा अनुसार, लेबरका उम्मेदबारले २८६ र लिब्डेम उम्मेदवारले जम्मा ८५ मत ल्याए ।

अल्डरसटमा नेपाली जनसंख्या तथा व्यवसाय बढ्दै गएपछि नेपाली तथा स्थानीयको आवाज काउन्सिल च्याम्बरसम्म पुरयाउने आफ्नो मुख्य ‘एजेन्डा’ रहेको उनले बताएका छन् ।