अल्डरसटमा शिशु मारेर फाल्नेको सूचना दिनेलाई १० हजार पाउण्ड

लन्डन । हयाम्पसायरमा एक शिशु मारेर फाल्ने व्यक्तिबारे सूचना दिनेलाई क्राइमस्टोपर्सले १० हजार पाउण्ड पुरस्कार दिने भएको छ । उक्त स्वतन्त्र च्यारिटी संस्थाले सूचना दिने व्यक्तिको परिचय गोप्य राखिने जनाउंदै त्यस्तो केही खबर भए जानकारी दिन अपिल गरेको छ । पुरस्कार अफर तीन महिनासम्ममात्र कायम रहनेछ ।

गत मे १९, २०१७ मा अल्डरसटको म्यानर पार्कमा एक शिशुलाई पार्कका कामदारले मृत अवस्थामा फेला पारेका थिए । डिएनए परिक्षणबाट उक्त बच्चाका आमा बाबु एसियन मुलका रहेको देखिएको प्रहरीले बताएको छ । हयाम्पसायर कन्स्टबुलरी प्रमुख अपराध विभागका गुप्तचरहरुले १५ मे सांझ ६ देखि १६ मे बिहान ८ बजेसम्मको बीचमा जन्म दिने बित्तिकै उक्त बच्चा मारेर हिंडेको विश्वास गरेका छन् । प्रत्यक्षदर्शीले १६ मे बिहान एसियन मुलकी एक महिला र तीन पुरुष बच्चा फालेको वरपर देखेका थिए ।

ग्रेटर रसमोर नेपाली कम्युनिटीले पनि यस कार्यमा प्रहरीसंग नजिकबाट समन्वय गरिरहेको अध्यक्ष जीब बेल्वासेले जनाए ।

अपराध नियन्त्रणमा प्रमुख भूमिका निर्वाह गर्दै आएको उक्त संस्थाले हालसम्म एक लाख ४० हजार जनालाई गिरफ्तार गर्न 
सघाइसकेको छ ।

जानकारी दिन-

If you have any information about who was responsible for the murder of this baby near Aldershot, please contact Crimestoppers 100% anonymously on 0800 555 111 or through the untraceable Anonymous Online Form at www.crimestoppers-uk.org.

***Note: Information passed directly to police will not qualify. The reward will only qualify if information is passed to Crimestoppers’ 0800 555 111 number or via the non-traceable anonymous online form at www.crimestoppers-uk.org***

प्रतिक्रिया

सम्बन्धित सामाग्री