सोमबार, माघ १० २०७८ | Mon, January 24, 2022
नेपालको समय: ०५:४१ | UK Time: 23:56

जनसम्पर्क समिति बेलायतको मेलमिलाप दिवस

वीनेपाली
२०७५ पुष १८ गते ०:१६


लन्डन । नेपाली जनसम्पर्क समिति बेलायतले अल्डरसटमा एक कार्यक्रमबीच मेलमिलाप दिवस मनाएको छ ।

कार्यक्रम समितिका सभापति युवराज गुरुङको अध्यक्षता र पूर्व सभासद नरेन्द्रकुमार कुमालको प्रमुख आतिथ्यमा भेटघाट रेष्टुरेन्टमा भएको हो ।

महामन्त्री सूर्य तामाङले सञ्चालन गरेको उक्त कार्यक्रममा उपसभापति महेशकुमार दाहालले स्वागत मन्तव्य दिएका थिए ।

उक्त अवसरमा प्रमुख अतिथी कुमालले नेपालको वर्तमान राजनीतिक अवस्था र मेलमिलाप नीतिबारे प्रकाश पारेका थिए । सल्लाहकारहरु डा. सम्पूर्णानन्द ढुंगाना, नरकुमारी लिम्बु र शिवजी श्रेष्ठ, किरण राई, आदिवासी जनजाती महासंघ बेलायत अध्यक्ष जंग सुनुवार, महासमिति सदस्य विज्ञान प्रसाईं, रबि राई, समितिका पूर्व सभापतिहरु लोक गुरुङ र विनोद मोक्तान लगायतले कांग्रेसको मेलमिलाप नीतिबारे मन्तव्य राखेका थिए ।

अर्का महामन्त्री प्रवेश केसीले बीपी कोइरालाको सपना ‘हरेक नेपाली परिवारको एक घर होस्, एक हल गोरु होस् र जोत्ने खेत होस्’ भन्ने रहेको स्मरण गर्दै बीपीको त्यो सपना सार्थक हुन सकेमात्र नेपालीको जीवनस्तर उकासिने धारणा राखे । केसीले अल्डरसट क्षेत्रमा कन्जरभेटिभ पार्टीका तर्फबाट मे २०१९ को स्थानीय निर्वाचनमा काउन्सिलर पदमा उमेदवारी दिने सोच बनाइरहेको पनि जनाए ।

संस्थाकी सहमहामन्त्री रोमियन लिम्बुले सो कार्यक्रमको प्रतिवेदन 
संक्षेपमा तयार गर्ने जिम्मेवारी लिएकी थिइन् ।

स्वतन्त्र सेनानीहरु वीपी कोइराला, गणेशमानसिंह लगायत अन्य नेताहरु भारतको निर्वासित जीवनबाट नेपाल फर्किएर राष्ट्रिय एकता र प्रजातन्त्रको सुदृढीकरणका लागि शुरु गरेको ‘मेलमिलाप दिवस’ कांग्रेसले वर्षेनी मनाउंदै आएको छ ।

प्रतिक्रिया

सम्बन्धित सामाग्री

फेसबुक