बिहीबार, माघ १३ २०७८ | Thu, January 27, 2022
नेपालको समय: २२:२५ | UK Time: 16:40

युवा व्यवसायी रविजंग लामिछानेले शिव मन्दिरका लागि दिए १३ हजार पाउन्ड

वीनेपाली
२०७५ पुष १६ गते ७:२२
Rabijung lamichhane

युवा व्यवसायी रविजंग लामिछाने । तस्विर- मिलन तमु

लण्डन । लण्डन निवासी युवा व्यवसायी तथा समाजसेवी रविजंग लामिछानेले बेलायतको अल्डरसटमा खरिद गर्न लागिएको शिव मन्दिर भवनका लागि १३ हजार २७ पाउन्ड चन्दा  दिएका छन्। 

यो नै आजसम्मको ठूलो र नगद रकम भएको मन्दिर निर्माणमा जुटिरहेको शिव कल्चरल एण्ड कम्युनिटी सेण्टरले जनाएको छ ।  

शिवका भक्त लामिछानेले भविष्यमा पनि शिव मुर्ति र आवश्यक परे अझै सहयोग गर्ने वचन दिएको सेन्टर सल्लाहकार भिम बानियाले जानकारी दिए ।  

लामिछानेले यसअघि पनि बेलायत र नेपालमा शिक्षा तथा धार्मिक कार्यमा हजारौं पाउण्ड सहयोग गरिसकेका छन् । 

सेन्टरले शिव मन्दिर तथा सामुदायिक केन्द्र स्थापनार्थ भवन खरिदका लागि सहयोग जुटाउन जनवरी ४ तारिख देखि ३ दिने श्रीमद्भागवत पुराण तथा वेद र बुद्ध दर्शन सम्बन्धि आध्यात्मिक प्रवचन गर्ने भएको छ । वाचन प्रवीण पण्डित दीनबन्धु पोखरेलको सुमधुर वाचनमा उक्त आध्यात्मिक महोत्सव हुन लागेको हो ।

सेन्टरले खरिद गर्न लागेको भवनको मुल्य तीन लाख पाउन्ड छ । सेन्टरका अध्यक्ष रोहित कुमार गुरुङका अनुसार, हालसम्म संस्थाले नगद करिब १ लाख ८५ हजार पाउण्ड जम्मा गरिसकेको छ । उठ्न बांकी प्रतिवद्धता रकम करिब ७२ हजार पाउण्ड छ ।

सेन्टरले प्रतिवद्धता रकम उठ्यो र मनकारी श्रद्धालु भक्तजनहरुले थप सहयोग गरे ‘मोर्गेज फ्री’ नै हुने विश्वास ब्यक्त गर्दै समस्त बेलायतवासी नेपालीमा सहयोग अपिल गरेको छ ।  

प्रतिक्रिया

सम्बन्धित सामाग्री

फेसबुक