शुक्रबार, माघ ७ २०७८ | Fri, January 21, 2022
नेपालको समय: ०२:०४ | UK Time: 20:19

बेलायतबाट पोखराको म्याराथनलाई १५ लाख रुपैयां सहयोग

वीनेपाली
२०७५ मंसिर २९ गते १३:०३

लन्डन । पोखरामा हुन लागेको अन्तर्राष्ट्रिय म्याराथनका लागि बेलायतवासी नेपालीले १५ लाख रुपैंया सहयोग गरेका छन् । भूपू खेलाडी मञ्च पोखराले फागुन ७ गते पोखरामा गर्न लागेको 
’१३ औं सफल पोखरा अन्तर्राष्ट्रिय म्याराथन’ सहयोगार्थ शुक्रबार सांझ अल्डरसटमा च्यारिटी डिनर गरि उक्त रकम जुटाइएको हो ।

म्याराथनको इन्टरनेशनल पार्टनर पोखरेली मञ्च यूकेले गरेको च्यारिटी डिनरमा एनआरएनए यूके र केन्द्रिय पदाधिकारी, तमुधिं यूके, सहारा यूके लगायत संघसंस्था र व्यक्तिले सहयोग गरेका थिए । एनआरएनए आइसीसी उपाध्यक्षद्वय कुमार पन्त र कुल आचार्यले पनि सहयोग गरे । च्यारिटीमा कुमार पन्तले सबैभन्दा बढि ५ सय पाउण्ड सहयोग गरेका थिए ।

सो अवसरमा व्यक्तिगत चन्दाबाहेक एनआरएनए यूकेले सदस्य तथा संरक्षकहरुबाट उठाएको एक हजार पाउण्डको चेक प्रदान गरयो । उपाध्यक्ष पुनम गुरुङको संयोजकत्वमा उक्त सहयोग संकलन गरिएको थियो । त्यसैगरि, सहारा यूकेले सदस्यहरुबाट उठाएको ८६३ पाउण्ड र तमुधिं यूकेले संस्थाको तर्फबाट ५० हजार रुपैयांको चेक प्रदान गरयो । धम्पुस समाज यूकेले तीनसय पाउण्ड सहयोग गरेको थियो ।

पोखरेली मञ्च यूकेका अध्यक्ष मानप्रसाद गुरुङले सहयोगदाताप्रति आभार व्यक्त गरे ।

करिब अढाइ सय सहभागी उक्त कार्यक्रम एनआरएनए यूके अध्यक्ष योगकुमार फगामीको अध्यक्षतामा भएको हो । कार्यक्रमलाई सम्वोधन गर्दै फगामीले बेलायतवासी नेपाली मातृभूमिलाई सेवा गर्न सधैं उत्सुक हुने उल्लेख गरे । कार्यक्रममा च्यारिटी संयोजक कमल गुरुङले स्वागत मन्तव्य र बाचस्पति रेग्मीले ‘हेल्थ एण्ड सेफ्टी’ बारे बताए ।

सल्लाहकार महेश गुरुङले पोखरा म्याराथन र यसको इतिहासबारे अवगत गराए । उनले म्याराथनलाई एनआरएनए आइसीसीले समेत सहयोग गरेको र पोखरा रंगशालाको पर्खाल निर्माणमा एनआरएनए यूके पूर्व अध्यक्ष सूर्य गुरुङको संयोजकत्वमा बेलायतबाट ५० लाख रुपैयां बढि खर्च पठाइएको पनि स्मरण गरे ।

मञ्चका महासचिव मोहन थापाले सञ्चालन गरेको पहिलो औपचारिक सत्रमा म्याराथनमा दौडन बेलायतबाट जान लागेका चारमध्ये प्रमुख नेतृत्वकर्ता लेफटीनेन्ट चन्द्र गुरुङले दौडको रुट र भ्रमणबारे जानकारी दिए ।

दोश्रो सत्रमा सांस्कृतिक प्रस्तुति थियो जसको सञ्चालन पोखरेली मञ्च यूकेका उपाध्यक्ष करम गुरुङले गरेका थिए । दोश्रो सत्रमा गायक गायिकाहरु शर्मिला बर्देवा, रबिन श्रेष्ठ, आंचल लामा, देव गुरुङ, श्री गुरुङ, भोजेन्द्र गुरुङले गायन प्रस्तुत गरे । रिसल ब्रदर्श नामक व्याण्डले पनि लाइभ संगीत प्रस्तुत गरेको थियो । कलाकारहरुको संयोजन मधु गुरुङले गरेकी थिइन् ।

च्यारिटी डिनरमा खेलाइएको ‘राफल ड्र’ का लागि पहिलो पुरस्कार तमुधिं यूके नवनिर्वाचित अध्यक्ष नन्दजंग गुरुङ, दोश्रो पुरस्कार गोर्खा प्यालेस रेष्टुरेन्ट फार्नबोरो, तेश्रो पुरस्कार सपना होम्स रेडिङका करम गुरुङ र हरिमाया गुरुङ, चौंथो पुरस्कार न्यू गोर्खा इन रेष्टुरेन्ट ब्रेकनका मेजर खुशीमान गुरुङ र मन्जु गुरुङले एवं पांचौं पुरस्कार अम्बिका खड्काले प्रायोजन गरेका थिए ।

तस्विर- मिलन तमु

प्रतिक्रिया

सम्बन्धित सामाग्री

फेसबुक