बिहीबार, मंसिर १८ २०७७ | Thu, December 03, 2020
नेपालको समय: २०:०९ | UK Time: 14:24

रामचन्द्र गर्जन : सरकार रवैया यहि रहे आन्दोलन हुन्छ

वीनेपाली
२०७५ साउन १५ गते १६:१९

कांग्रेस नेता पौडेल

तनहुँ-नेपाली कांग्रेसका वरिष्ठ नेता रामचन्द्र पौडेलले वर्तमान सरकारको रवैया यहि किसिमको रहिरहे पार्टी निर्णायक आन्दोलन गर्न पछि नहट्ने बताएका छन् ।

तनहूँमा मंगलबार आयोजित सभामा नेता पौडेलले सरकारलाई ठीक ठाउँमा ल्याउन र सचेत गराउन प्रतिकारात्मक विरोध कार्यक्रम गरिएको र नसच्चिए निर्णायक आन्दोलन गर्न तयार रहेको बताए ।

प्रस्तावित प्रधानन्यायाधीश दीपकराज जोशीको शैक्षिक प्रमाणपत्र नक्कली नै थियो भने सर्वोच्च अदालतमा बसेर न्यायनिसाफ गरिरहेका न्यायपरिषद्ले के हेरेर सिफारिस गर्‍यो ? यसकारण सर्वप्रथम न्यायपरिषद्का पदाधिकारीलाई कारबाही गर्नुपर्छ भन्ने उनको भनाई थियो ।

कांग्रेसका केन्द्रीय सदस्य शंकर भण्डारीले दुईतिहाई बहुमतको आडमा कम्यनिष्ट सरकारले लोकतन्त्रको स्थायीत्व, समृद्ध नेपाल र जनताको भावना विपरित काम गरेको आरोप लगाए । राष्ट्रिय सभा सदस्य प्रकाश पन्थले सरकार संसदलाई नै बन्धक बनाएर एकाधिकार तरिकाले चल्न थालेको आरोप लगाए ।

पार्टी कार्यालयबाट निस्केको विशाल रयालीले बजार परिक्रमा गर्दै दमौलीको अनशन चौतारीमा सभामा परिणत भएको थियो ।

प्रतिक्रिया

सम्बन्धित सामाग्री

फेसबुक