एनआरएनए अध्यक्ष भवन भट्ट
लण्डन । बेलायतमा यो ‘विकेन्ड’ हुन लागेका दुई कार्यक्रममा एनआरएनए केन्द्रिय नेता आउने भनेर प्रचार प्रसार गरिए पनि उनीहरुको सहभगिता नहुने भएको छ ।
एनआरएनए यूके युवा विभाग र नेपाल ब्रिटेन डट कमले क्रमशः आज र भोलि दिउसो गर्ने कार्यक्रममा एनआरएनए केन्द्रिय अध्यक्ष भवन भट्ट आउने प्रचार प्रसार गरिरहेका छन् । तर, एनआरएनए प्रबक्ता भुषण घिमिरेले भट्ट बेलायत नआउने जनाए ।
अरु एनआरएन नेताहरु पनि हल्ला गरिए जस्तो बेलायत आउने टुङो छैन । यद्यपि दुबै आयोजकले त्यो कुरा गुपचुप राखेका छन् । नेपाल ब्रिटेन डट कमले आइतवार लण्डनमा गर्न लागेको ११ औं वार्षिकोत्सव तथा सम्मान कार्यक्रम विवादमा छ ।
नेपाल ब्रिटेन डट कम सञ्चालक समितिका संस्थापक अध्यक्ष चिरन्जिबी ढकालले कार्यक्रमको पूर्व सन्ध्यामा एक बिज्ञप्ति निकालि उक्त अनलाइनले आफूहरुको नाममा चन्दा संकलन गरिरहेको थाहा हुन आएको भन्दै भ्रममा नपर्न अपिल गरेका छन् ।
