बुधबार, मंसिर १७ २०७७ | Wed, December 02, 2020
नेपालको समय: ०५:१६ | UK Time: 23:31

सोसाइटी अफ नेपलिज इन्जिनियर्स यूकेमा नयां नेतृत्व

वीनेपाली
२०७५ असार १७ गते २२:१८


लन्डन । सोसाइटी अफ नेपलिज इन्जिनियर्स यूकेमा नयां नेतृत्व चयन भएको छ । १ जुलाई २०१८ का दिन एभरेष्ट इन रेस्टुरेन्ट लन्डनमा सम्पन्न सभाले सन् २०१८-२०२० का लागि शैलेन्द्र काजी श्रेष्ठको अध्यक्षतामा ११ सदस्यीय कमिटी चयन गरेको हो ।

समितिमा डा. बीरेन्द्र श्रेष्ठ, उमेश पराजुली, संयुक्त श्रेष्ठ, अक्षय चापागाईं क्रमशः उपाध्यक्ष, महासचिव, सचिव र कोषाध्यक्ष चयन भएका छन् । त्यसै गरि सदस्यहरुमा बेद भट्टराई, पूजा भगत, डा. बिदुर घिमिरे, पवन मान बज्राचार्य, रश्मी राना र सज्ञन खरेल निवार्चित भए ।

स्कटल्यान्ड, मिडल्यान्ड देखि लन्डन क्षेत्रका करिब ५० जना इन्जिनियरहरुको उपस्थितिमा सम्पन्न उक्त भेलामा निवर्तमान अध्यक्ष घनश्याम पौडेलले विगत दुई वर्षमा भएका उपलब्धिहरुको बारेमा प्रस्तुति दिएका थिए भने कोषाध्यक्ष विजय 
बज्राचार्यले सुधारसहितको आर्थिक प्रतिवेदन पेश गरे ।

निवर्तमान महासचिव शैलेन्द्र श्रेष्ठले सञ्चालन गरेको कार्यक्रममा एनआरएनए यूकेका महासचिव राजकुमार त्रिपाठी, सोसाइटी अफ नेपलिज इन्जिनियर्स यूके (सोने यूके) का सल्लाहकारहरु के. के. श्रेष्ठ, नवराज अधिकारी, राजेश पाठक लगायतले आगामी कार्यकालको शुभकामना दिएका थिए ।

नयां कार्यसमितिको बैठक छिट्टै बसी भावी कार्ययोजना तय गर्ने अनौपचारिक निर्णय भएको छ ।

प्रतिक्रिया

सम्बन्धित सामाग्री

फेसबुक