बुधबार, मंसिर १० २०७७ | Wed, November 25, 2020
नेपालको समय: ००:०७ | UK Time: 18:22

धान रोपाइँमा उपप्रधान एवं रक्षामन्त्री

रासस
२०७५ असार १५ गते ९:५२

काठमाडौँको बूढानीलकण्ठ नगरपालिका–१ तौलुङस्थित खेतमा धान रोपाइँ महोत्सवको उदघाटन गर्दै उपप्रधान एवं रक्षामन्त्री ईश्वर पोखरेल । तस्बिर – प्रकाश सिलवाल, रासस

काठमाडौँ, १५ असार – उपप्रधान एवं रक्षामन्त्री ईश्वर पोखरेलले खेतीयोग्य जमीन बाँझो नराख्न र त्यस्तो जग्गामा बस्ती बसाउन नमिल्ने गरी सरकारले भू–उपयोग नीति ल्याउने बताउनुभएको छ ।

युवासंघ नेपाल र योङ कम्युनिष्ट लिगको आयोजनामा आजदेखि शुरु भएको तीनदिने श्रमदानमा युवा कार्यक्रमअन्तर्गत बूढानीलकण्ठ नगरपालिका वडा नं १ तौलुङस्थित खेतमा धान रोपाइँ महोत्सवको उद्घाटन गर्दै उहाँले खेतीयोग्य जमीनमा खेती गरेर मुलुकको कृषि उत्पादनलाई वृद्धि गर्नुपर्ने र त्यस्तो जमीनमा प्लटिङ गर्न र बस्ती बसाउन नपाइने गरी नीति ल्याउने बताउनुभयो ।

मन्त्री पोखरेलले जनतासँग नेपाल कम्युनिष्ट पार्टी र नेपाल सरकार सधैँ एकाकार हुने उल्लेख गर्दै युवाको उक्त अभियानले मुलुकभर कहाँ कति श्रमदान गरयो भन्ने विवरण सार्वजनिक गर्नुपर्ने कुरामा जोड दिनुभयो ।

युवासंघ नेपालका अध्यक्ष रमेश पौडेलले आफूहरुले सो अवधिमा मुलुकका करीब ७०० स्थानमा धान रोपाइँका लागि श्रमदान गर्ने जानकारी दिनुभयो ।

प्रतिक्रिया

सम्बन्धित सामाग्री

फेसबुक